Home dezenvolvimentu Governu Dura, Depende Kapasidade Partidu FRETILIN ho PD

Governu Dura, Depende Kapasidade Partidu FRETILIN ho PD

1447
0
SHARE
Xefe bankada PLP Fidelis Magalhaes.Photo Facebook/Fidelis Magalhaes

By: Hortencio SANCHES

THETIMOR-NEWS.com,  DILI – Partidu Libertasaun  Popular (PLP) liu husi xefe bankada Fidelis Magalhaes hatete, atu asegura governu minoritariu depende ba partidu sira (FRETILIN ho PD) kaer governu mak tenke iha kapasidade atu koalia ho partidu sira seluk hodi buka dalan atu halo aprosimasaun ida los hodi asegura governu refere.

“Partidu mais votadu (FRETILIN, red) mak tenke halo aproximasaun ida lolos atu bele dada parseiru sira mai, tenke halo netik konfiansa ba malu no seguransa ba malu,” dehan Fidelis ba Jornalista sira iha iha uma fukun Parlamentu Nasional (PN), Tersa (26/09/2017).

Nia hatutan, PLP nia pozisaun metin no lakoi atu eleisaun antisipada mosu. Tuir nia eleisaun antisipada sei la mosu tanba, eleisaun antisipada hanesan rekursu ikus liu.

“Eleisaun antisipada hanesan rekursu ikus ida, dalan sei barak Prezidente Republika bele eskolla hodi labele to iha eleisaun antisipada, liafuan ida eleisaun antisipada ne’e so para halo povu preokupa deit,” dehan Fidelis.

La Risku

Membru VII Governu Konstitusional ne’ebe hetan posse ba sira nia kargu hosi PR Francisco Guterres Lu Olo. Photo: Media PR

Hatan ba kestaun ne’e, xefe bankada FRETILIN Francisco Miranda Branco afirma, governu minoria ba FRETILIN laiha risku no sira nia parte garante governu ne’e sei dura hodi halo dezenvolvimentu ba Timor ida buras liu.

“Governu minoria Parlamentar la risku ida, iha fatin barak sempre akontese hanesan ne’e,” dehan Francisco Miranda.

Nia informa governu sei la monu bainhira programa governu nian haruka uluk ba PN hodi nune’e, deputadu hotu halo estuda didiak nune’e aseita ona foin bele halo diskusaun.

“Programa governu nian sei mai, antes atu mai ami sei aprezenta ba hot-hotu atu estuda tia didiak saida mak sala no sira nia opiniaun hakarak hadia bele depois ikus mak fo fali ba governu hodi halo aprezentasaun,” dehan lideransa FRETILIN ne’e.

Iha fatin hanesan xefe bankada Partidu Democratico Maria Teresa Gusmão informa, PD laiha hanoin iha ulun atu governu ne’e monu, maibe PD  nia hanoin katak governu ne’e sei dura to’o tinan 5 hodi hamutuk lori rai ne’e ba oin tuir PD nia motto “Ba o Timor hau maubere oan pronto servi.”

“Tanba sa mak ita hanoin fali governu ne’e atu monu, atu hanoin to’o iha ne’eba presiza hanoin uluk lai ba povu nia terus no susar hakarak dezenvolvimentu ne’e lao ba oin nafatin,” dehan deputada Maria Teresa.

Maski opozisaun nia votus barak liu iha PN, maibe nia garante nafatin katak bankada opozisaun tolu hanesan CNRT, PLP no KHUNTO sei kolabora nafatin hodi apoiu governu minoritariu ne’e ba oin hodi tau as interese nasionalismu no patriotismu hodi lori pobu sai husi susar no terus.

Editór: Evangelisto MEILANA I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here