Home nasional Deputadu Natalino Baku Meza PN

Deputadu Natalino Baku Meza PN

3818
0
SHARE
Deputadusira diskuti malu hela iha plenaria ne'ebe halao iha uma fukun PN Tersa (26/09/2017). Photo TTN/Hortencio Sanches

By: Hortencio SANCHES

THETIMOR-NEWS.com, DILI – Deputadu Natalino dos Santos husi bankada CNRT la simu desizaun husi Prezidente Parlamentu Nasional (PN) Aniceto Guterres hapara nia koalia, bainhira hato pontu de orden kona ba preokupasaun funsionariu publiku iha  RAEOA Oe-Cuse ne’ebe governu halo mudansa laiha rajaun ne’ebe mak klaru.

Relasiona ho assuntu ne’e, deputadu Filomino husi bankada CNRT mos hato ona kestaun  ne’e iha plenaria. Rajaun husi Prezidente PN hapara pontu de orden husi deputadu Natalino tanba deputadu Filomino mos hato ona assuntu ne’e.

Tanba ne’e, Prezidente Aniceto hapara pontu de orden husi  deputadu Natalino fo fali tempu ba deputadu husi bankada PD Manuel Tomas de Carvalho “Lito Rambo”  hodi hato pontu de orden. Nune’e deputadu Natalino ho nervozu hakilar makas iha plenaria laran tanba prezidente la konsidera tia nia direitu koalia.

“Ne’e hau nia direitu, tanba sa mak hau la bele koalia fali, kestaun ne’e horseik hau mak foti ne’e duni hau atu esplika ba publiku,” dehan Deputadu Nsatalino ho lian makas iha uma fukun PN, Tersa (26/09/2017).

Hare ba lian ne’ebe makas husi deputadu sira iha plenaria laran, deputadu Mauel Tomas de Carvalho sente la satisfas hodi hatete, “Fatin ne’e laos atu ita mai hatudu fali ita nia Bandalismo iha ne’e,” dehan deputadu Lito Rambo.

La simu lia fuan Bandalismo ne’ebe hasai hosi deputadu bankada PD ne’e, ba deputadu Natalino situasaun komesa aumenta manas  maibe liu minutu balun deit, situasaun konsege kalma fila fali no plenaria lao normal hanesan baibain.

Editóra: Agida DOS SANTOS I COPYRIGHT © THETIMORNEWS2017

LEAVE A REPLY

Please enter your comment!
Please enter your name here