Home Uncategorized Horta: Mosu Eleisaun Antisipada Normal

Horta: Mosu Eleisaun Antisipada Normal

148
0
SHARE
Jose Ramos Horta. Photo: Media PR

By: Fidelio RAMOS

THETIMOR-NEWS.com, DILI – Ministru Estadu Seguransa Nasional (MESN) Jose Ramos Horta hatete, bainhira governu minoritariu monu, mosu eleisaun antisipada normal maibe partidu  sira ne’ebe hetan ona asentu iha Parlamentu Nasional tenke hanoin didiak.

Governante ne’e, garante katak eleisaun antisipada sei la mosu tanba iha eleisaun foin lalais liu partidu barak mak gasta ona osan barak.

“Hau labele garante eleisaun antisipada  mosu ka lae? ne’e depende ba deputadu sira,  ita foin mak hahu servisu  orsamentu mos seidauk  iha  tan ne’e  foin lalais kada partidu  gasta  ona osan lubuk ida iha  kampaina agora hetan ona fatin  nudar deputadu diak liu ida-idak halo nia servisu  nudar deputa nu’idar bankada duke hanoin fali ba eleisaun antisipada mais eleisaun antisipada mosu ha’u senti normal,” dehan, Ramos Horta ba Jornalista sira hafoin remata sorumutu ho Prezidente Republika Francisco Guterres Lu-Olo iha Palasiu Prezidensial Bairu-Pite Dili, Segunda (25/09/2017).

Jerasaun tuan ne’e, husu ba deputadu sira hotu iha uma fukun PN tenke aprende hadia politikusira ho lolos tanba deputadu sira mak halo lei no muda lei.

“Iha PN hanesan eskola bo’ot ida buka atu halo fiskaliza halo estudu hare lei sira uluk aprova ne’e sei diak ka lae, tanba ne’e ita  tenki buka halo servisu hamutuk  para tinan lima mai demokrasia sai klean ekonomia diak  nune’e,  povu labele prokupa demais ho estabilidade  no seguransa,” dehan Horta.

Lauriadu Nobel da Paz ne’e esklarese, governu minoritariu ne’e, liu husi Primeiru Ministru (PM) Mari Alkatiri  buka dalan nafatin hodi rona opiniaun husi parte hotu hodi konvida nafatin ema hotu ne’ebe iha kapasidede hodi servisu hamutuk iha governu nune’e bele lori nasaun ne’e ba oin.

Editór: Hortencio SANCHES I COPYRIGHT © THETIMORNEWS2017

LEAVE A REPLY

Please enter your comment!
Please enter your name here