Home nasional Melio de Jesus Hatama Ona Karta Somasaun ba PR Lu-Olo

Melio de Jesus Hatama Ona Karta Somasaun ba PR Lu-Olo

1346
1
SHARE
Melio de Jesus. Photo: TTN/Hortencio Sanches

By: Fidelio RAMOS

THETIMOR-NEWS.com DILI – Melio de Jesus, sidadaun Timoroan ida ne’ebe dadauk ne’e nia naran derepende bo’ot iha publiku ho somasaun ne’ebe nia halo ba Prezidenti Republik (PR) Francisco Guterres Lu-Olo, hatama ona nia karta somasaun ba xefi estadu nudar ema numeru ida iha Timor-Leste nian ne’e.

Karta somasaun ne’e nia hatama ona ba PR Lu-Olo ohin dadersan tuku 10 Oras Timor-Leste no simu hosi Gabinete Korespondente Presidensial nian.

“Ohin hau mai hodi hatama karta somasaun ba PR Lu-Olo ne’ebe antes ne’e hau koalia sai ona formasaun no posse ne’ebe nia halo ba VII Governu ne’e inkonstitusional, detaillu hosi kontinudu somasaun nian ne’e imi bele hare’e iha karta somasaun ne’e,” dehan Melio de Jesus ba Thetimornews, iha Palasiu Presidensial, Bairo Pite, Dili Kinta (21/09/2017).

Iha karta somasaun ne’ebe ho pajina 3 ne’e, Melio nu’udar sidadaun Timor-Leste ne’ebe moris iha estado Timor-Leste nia laran konsidera katak Dekretu Presidente da Republica No 59/2017 viola hau nia direitu konstituisaun ne’ebe hatuur iha Artigo No 6 pontu B no C, Artigo No 74, 77, e No 106 alinea 1 Konstituisaun Republika Demokratika  Timor-Leste (RDTL).

Tuir Melio, PR Lu-Olo la uza duni PR nia kbit no kapasidade tomak tuir juramentu PR ninian ne’ebe hatuur iha konstituisaun Artigo 77 atu interpreta ho klean no komprensivo kona ba Artigo 106 alinea 1 konstituisaun RDTL hodi nomeia Primeiro Ministro (PM) ne’ebe indijita hosi Primeiro Partido Mais Votado ho ninia koligasaun Minoritario iha Parlemente Nasional ho asento 30 kaderas iha Parlamento Nasion

Xefe estadu indireitamente viola ona Konstituisaun RDTL Artigo No 74 alinea 1 ho razaun katak, iha diskursu solene sesaun Parlamento Nasional 15 Setembru 2017 no iha intervista, PR rasik konsidera no rekonhese katak setimo Governo ne’ebe hetan pose iha risku bot nia laran.

“Husi ne’e hanesan sidadaun sidadaun Timor-Leste ida mos, ne’ebe moris iha pais ida ne’e lahetan ona garantia ida husi nia prezidenti nudar Xefi Estadu hodi halao lei inan iha artigu No 74 alinea 1,” hakerek Melio iha karta somasaun ne’e.

Ho karta somasaun ne’ebe Melio Hato’o iha tempu no fo oportunidade ba PR iha tempo no semana rua nia laran deit hahu husi nia karta Somasaun ida ne’e entrega atu, reve ou hare fila fali Dekretu Presidente No 59/2017 ne’ebe PR publika tia ona, ho uza PR nia metenek no kapasidade tomak ho klean no porfundu ba interpretasaun artigo 106 alinea 1.

Halo knar iha artigo 86 pontu d, Konstituisaun, hodi publika sai ba povu Timor-Leste tomak, kona ba prosesu hotu-hotu ne’ebe primeiru partidu mais votadu durante iha tempu halo negosiasaun no aprosimasaun ba Partidus sira ne’ebe iha asentu Parlamentu Nasional, kona ba formasaun do governo ninia rezultado no relatoriu.

Karik iha tempu ne’ebe Melio determina maka PR la realiza pontu rua ne’ebe mensiona iha karta Somasaun maka sei tuir dalan legal ne’ebe iha hodi prosesa iha Tribunal Recurso (TR)  ba inkonstitusionalidade Konstituisaun RDTL ne’ebe PR viola.

“Hau lori ba TR atu halo revizaun legal konstitusional ba dekretu PR ne’ebe forma governu nian, husu ba TR atu hare’e didiak ne’e tuir duni konstitusional ou inkonstituisional. Tamba durante ne’e ema barak preokupa no koalia tuir ida-idak nia persepsaun, ne’e duni hau lori ba TR atu hare’e buat ne’e nune’e nia rezultadu sidadaun hot-hotu bele simu,” dehan Melio de Jesus.

Antes ne’e, Prezidente Parlamentu Nasional (PN) Aniceto Guterres hatete, konstituisaun la taka dalan ba sidadaun se deit, atu lori PR ba tribunal relasiona ho tomada posse ba VII Governu konstituisaun ne’ebe halao iha Palasiu Nobre Lahane kuandu Inkonstitusional.

(Le’e notisias: http://thetimornews.com/2017/09/20/konstituisaun-la-taka-dalan-ba-publiku-halo-keisa-ba-desijaun-pr/). 

 Editor: Hortencio SANCHES I COPYRIGHT © THETIMORNEWS 2017

1 COMMENT

  1. Nudar sidadaun iha nasaun de Direitu ida nee, hau apresia no kongratula ba belun Melio de Jesus neebe ho aten brani saraan hodi depende sidadaun TIMOR oan nia Direitu Konstitusional. hau hanoin ba Futuro TIMOR oan hotu-hotu bele banati tuir Belun Melio de Jesus nia perkupasaun nee sai espriensa ba ita hotu, atu labele sai atan no vitima ba bebeik Dezisaun politika no ukun nain sira neebe viola sidadaun nia Direitu Konstitusional.

LEAVE A REPLY

Please enter your comment!
Please enter your name here