Home nasional Aban, PM Alkatiri Aprezenta Lista Nia Membru Governu Foun

Aban, PM Alkatiri Aprezenta Lista Nia Membru Governu Foun

5865
0
SHARE
PM Alkatiri hatan hela pregunta husi Jornalista sira hafoin remata sorumutu ho PR Lu-Olo iha palasiu prezidensial Aitarak Laran, Bairo Pite, Dili Kinta (21/09/2017) Photo TTN/Fidelio Ramos

By: Fidelio RAMOS

THETIMOR-NEWS.com DILI –  Hare’e ba numeru membru governu iha VII Governu Konstitusional ne’ebe sedauk kompletu, Primeiru Ministru (PM) Mari Alkatiri aban sei lori naran foun ba  Prezidenti Republika (PR), Francisco Guterres Lu-Olo nune’e bele hetan posse.

Tuir planu, membru governu foun ne’ebe nia aprezenta sei fo posse iha semana oin.

“Hau mai hasoru prezidenti hodi fo informasaun ba prezidenti iha disponibilidade atu  fo posse ba membru governu foun sira iha semana oin, maibe kona atu entrega iha semana oin, mais sei hein prezidenti mak hatete mai hau bainhira mak entrega ne’e sei hein prezidenti,” dehan PM Mari Alkatiri ba Jornalista sira hafoin remata inkontru ho xefe estadu iha Palasiu Prezidensial Bairo-Pite, Dili (Kinta/21/09/2017).

Xefi governu ne’e garante katak, hosi numeru membru governu foun ne’e laos deit hosi Partidu FRETILIN no PD ne’ebe sai nain ba governasaun periodu ne’e, maibe sei iha mos naran hosi partidu seluk hodi governu ne’e sai inklusivu.

Iha 15 Setembru, PM Alkatiri ho nia ministru nain 10 no vise ministra ida simu ona posse hosi PR Lu-Olo. Tuir planu, total membru governu iha nia governasaun ne’e hamutuk iha 30. Signifika, sei iha kadeira 18 mak sedauk iha nia ema.

Maski governu minoritaria, FRETILIN ho PD fiar an nafatin katak ho total 35 kadeira hosi opozisaun sei apoiu nia governu to’o tinan 5. Dadauk ne’e iha partidu 3 mak sai opozisaun mak CNRT ho kadeira 22, PLP 8 no KHUNTO 5.

Editor: Hortencio SANCHES I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here