Home desportu TdT 2017 ba Deit Estranjeiru, Siklista Timoroan Boikota

TdT 2017 ba Deit Estranjeiru, Siklista Timoroan Boikota

157
0
SHARE
Siklista Timoroan Jacinto ho nia kolega sira halo protesta hasoru komisaun organijadora TdT 2017 ne'ebe halo diskriminasaun ba sira, iha edifisiu SEJD Dili Tersa (19/09/2017) photo TTN/Fidelio Ramos

By: Fidelio RAMOS

THETIMORNEWS.com, DILI – Siklista Timoroan  46 lamenta tebes ho hahalok komisaun organizadora Tour de Timor (TdT) 2017 ne’ebe halo diskriminasaun ba sira hodi fo liu  importansia ba siklista estranjeiru sira.

Jacinto da Costa siklista Timoroan husi tim Mercurius hatete, hatudu hahalok  ne’ebe la diakhodi la tau importansia  ba siklista  nasional sira, ho nune’e sira  foti desijaun hodi la partisipa eventu internasional ne’e.

“Komisan organizadora dehan fali  ami seidauk atu bele kompete ho siklista Internasional ne’e signifika komisaun la tau importansia ba siklista Timoroan,” dehan Jacinto iha konferensia imprensa ne’ebe hala’o iha edifisiu SEJD Dili, Tersa (19/09/2017).

Tuir informasaun ne’ebe fosai husi  Komisaun Organijasaun katak price money ba kategoria nasional ho internasional maibe diferentes, ezemplu siklista Timoroan manan sai primeiru lugar ekipa ou individual nian la merese hetan premiu internasional, entaun sai hanesaan kategoria simu premeiu kategoria nasional.

Iha konferensia ne’e, sira husu ba Sekretariu Estadu Juventude Desportu (SEJD) Leovigildo Hornai ho orgaun estadu kompotente hotu iha tempu badak atu rezolve lalais  kestaun ne’ebe mak siklista sira hasoru.

Hatan ba problema ne’ebe akontese, Sekretariu Estadu Juventu Desportu  (SEJD) Leovigildo Hornai afirma, menus komunikasaun entre siklista nasional  ho komisaun organizadora. Tanba ne’e, nia sujere ba parte rua ba futuru.

“Hau mos lamenta  ho kestaun tuir lolos buat ida hansa ne’e, labele akontese mais prontu ida  ne’e mak realidade  mais hau espera iha futuru mai sei hadia,” dehan Leovigildo ba THETIMORNEWS.

Leovigildo hatutan, siklista nasional la partisipa tanba ne’e  sei presiza rona tan husi parte balun hanesan komisaun organizadora TDT  no federasaun  kona ba preokupasaun no  razaun husi  siklista Timor la partipa ne’e  razoavel duni ka lae.

Editór: Hortencio SANCHES I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here