Home edukasaun PR Lu-Olo Sei Hamutuk KNK-HIV/SIDA Kombate SIDA

PR Lu-Olo Sei Hamutuk KNK-HIV/SIDA Kombate SIDA

74
0
SHARE
Diretor Ezekutivu KNK-HIV/SIDA Daniel Marcal kaer liman ho PR Lu-Olo. Photo: Media PR

By: Fidelio RAMOS

THETIMOR-NEWS.com, DILI –  Bazeia ba numeru pasiente HIV-SIDA ne’ebe sa’e makas, liliu iha Kapital Dili, Prezidenti Republika (PR), Francisco Guterres Lu-Olo sei hamutuk ho Komisaun Nasional Kombate (KNK) HIV/SIDA hodi sosializa, prevene no kombate moras SIDA iha Timor-Leste.

Diretor Ezekutivu KNK-HIV/SIDA Daniel Marcal. Photo: Media PR

Tinan 2017, KNK-HIV/SIDA rejista kazu HIV/SIDA hamutuk ema nain 778, hosi numeru ida ne’e ema nain  84 relata mate.

Diretor Ezekutivu KNK-HIV/SIDA, Daniel Marcal informa numeru kazu ne’e as tamba impaktu hosi relasaun sexual. Kazu ho numeru as liu maka Kapital Dili, tuir kedan Autoridade Munisipiu Bobonaro no Munisipiu Covalima.

“Kuaze numeru hirak ne’e sae as liu mak Dili tanba ema hotu mai buka moris  iha deit, prezidenti preokupa tebes ho problema ne’e tanba ne’e prezidenti  sei  fo orientasaun makas para oinsa  sosiedade sira bele prevene,” dehan Daniel Marcal ba jornalista sira hafoin hasoru malu ho PR Lu Olo, Tersa (19/09/2017), iha Palasiu Prezidensial Aitarak Laran, Bairo Pite, Dili.

Diretor Ezekutivu KNK-HIV/SIDA Daniel Marcal ho nia estrutura hasai foto hamutuk ho PR Lu-Olo. Photo: Media PR

Tuir diretor ne’e ita bele riku iha buat hotu maibe kuandu saude ladiak sei mosu problema ho nune’e prezidenti sei halo kolaborasaun diak liu tan ho komisaun kombate HIV ho entidades hotu atu proteze.

“Governu agora harii ona komisaun atu kolabora ho entidades hotu par oinsa koalia makas para muda hahalok, ita koalia kona ba lei la muda ema nia hahalok, lei iha oin tauk maibe iha kotuk kontinua halo hela karik  enatun ita presiza kolia bebeik deit ona para muda kunesementu,” nia dehan.

Hosi sosializasaun ne’ebe KNK-HIV/SIDA, dadauk ne’e komunidade hahu komprende on aba importansia oinsa teste ran ba moras perigozu ne’e.

Editór: Hortencio SANCHES I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here