Home nasional PM Alkatiri Halao Knar Iha Palacio Nobre

PM Alkatiri Halao Knar Iha Palacio Nobre

258
0
SHARE
PM Mari Alkatiri wainhira inkontru ho membru governu balun no pesoais hirak ne'ebe haknar an iha Gabinete PM. Photo: Media GPM

By: Hortencio SANCHES

THETIMOR-NEWS.com, DILI – Primeiru-Ministru (PM) VII Governu Konstitusional, Dr. Mari Bin Amude Alkatiri hahu nia servisu no loke edifisu iha Palasiu Nobre, Lahane, Dili, Segunda (18/09/2017).

PM Mari Alkatiri. Photo: Media GPM

Razaun PM Alkatiri lakohi halao servisu iha Palacio do Governo tamba iha tinan 2006, wainhira rezigna an hosi kargu ne’ebe nia asumi hikas agora, jura ona atu lafila fali ba Palacio do Governo.

Hosi komunikadu imprensa ne’ebe publika hosi Media Gabinete PM, esklarese tanba ezizensia mai husi setor bar-barak, nia tenke fila. Tan ne’e, molok atu fila, Primeiru-Ministru sei halo tuir uluk lisan no kultura para bele dada hikas fila juramentu ne’ebe uluk nia halo. Hafoin ida ne’e, Primeiru-Ministru Dr Alkatiri sei retoma fali funsoens iha Palacio do Governo.

“Bainhira ita harii Estadu ida, Estadu nee iha kontinuidade. Governo ita bele muda, maibe Estadu mantéin kontinuidade. Tanba ne’e saida mak ita atu halo iha Governu foun mak atu hadia. Objetivu laos troka ema. Hadia mak politika, planu, programa no sistema. Ne’e mak VII Governu hakarak halo,” haktuir Primeiru-Ministru.

PM sessante Rui Maria Araujo entrega relatoriu servisu VI Governu Konstitusional ba PM VII Governu Konstitusional, Mari Alkatiri. Photo: Media GPM

Iha nia loron dahuluk servisu nia, xefi governu ne’e halo mos inkontru ho eis PM Dr. Rui Maria de Araújo ho nia estrutura gabinete. Iha inkontru ne’e mos entrega Retrato do Governo no Relatorio prosesu Governasaun VI Governu nian ba Primeiru-Ministru VII Governu Konstitusional.

PM Alkatiri iha biban ida ne’e hetan mos pontu de situasaun husi unidadi ida-idak ne’ebe hamahun aan iha Gabinete Primeiru-Ministru kona-ba sira ida-idak nia servisu.

Primeiru-Ministru konklui hodi deklara katak “Governo ba Ema hotu, ukun ba Ema hotu. Ukun para atu responde ba povu nia halerik no hakarak.”

Editora: Agida DOS SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here