Home nasional KHUNTO Sai Opozisaun Laos Sai Inimigu

KHUNTO Sai Opozisaun Laos Sai Inimigu

277
0
SHARE
Jose Agostino da Silva, Deputada Bankada KHUNTO no Sekretariu Jeral Partidu KHUNTO. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Kmanek Haburas Unidade Nasional Timoroan (KHUNTO) promote sai opozisaun ida ne’ebe forte edukativu no konstrutivu sei la sai inimigu ba governu ho partidu ne’ebe iha Parlamentu Nasional.

Jose Agostino da Silva, Deputada Bankada KHUNTO no Sekretariu Jeral Partidu KHUNTO. Photo: TTN/Hortencio Sanches

Sekretariu Jeral Partidu KHUNTO, Jose Agustinho da Silva hanesan mos deputadu iha Uma Fukun PN hatete, funsaun husi opozisaun atu kontrola diak estadu nune’e labele uza sasan arbiru.

“Nudar opozisaun, la signifika dehan la gosta malu, mais funsaun hosi opozisaun ne’e diak, opozisaun forte, governu mos forte para bele halao knar funsaun cek and balance para labele uza sasan arbiru, ezemplu ezekuta sala Orsamentu Jeral Estadu (OJE),” dehan Jose Agustinho ba THETIMOR-NEWS iha edifisiu PN, Segunda (18/09/2017).

Nia esplika, durante KHUNTO deside sai hanesan opozisaun iha PN mosu opini barak iha publiku ho informasaun ne’ebe lalos dehan KHUNTO sai husi koligasaun. Tuir sekretariu jeral Partidu KHUNTO ne’e esplika, KHUNTO seidauk involve iha koligasaun entre partidu mais votadu FRETILIN no PD, maibe foin iha faze negosiasaun.

“Hau atu esolika tan ba publiku katak, opini publiku dehan KHUNTO sai hosi koligasaun hatoo katak, nee lalos, KHUNTO sedauk tama iha koligasaun,” dehan Jose.

Nia argumenta tan, sai opozisaun maibe sei promove dialogu diak nafatin ho parte estadu nian hotu nune’e bele fo hanoin diak ba malu atu halao servisu ne’ebe estadu nian ba oin.

“In prinsipiu, pozisaun mak ne’e, diak ho partidu hotu, relasaun diak, pronto promove dialogu, diak ho partidu forma govenru no partidu opozisuan, depende ba dinamiku politiku,” dehan nia.

Maski KHUNTO deklara sai hanesan opozisaun, maibe durante ne’e, partidu refere hamutuk ona ho partidu FRETILIN no PD hodi asina komprimisiu politika atu loke sesaun IV lejislatura.

Iha Eleisaun Parlamentar, Partidu KHUNTO hetan kadeira 5.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here