Home nasional Simu Posse ba Ministru Saude, Rui Araujo Hahu Kedan Servisu

Simu Posse ba Ministru Saude, Rui Araujo Hahu Kedan Servisu

1736
0
SHARE
Ministru Saude, Rui Maria Araujo halo kedan inkontru ho ministra no vise ministra sessante, Maria do Ceu Pina Sarmento no Maria Isabel hafoin simu posse ba nia kargu. Photo: FB Rui Araujo

By: Hortencio SANCHES

THETIMOR-NEWS.com, DILI – Ministru Estadu no Ministru Saude (MS) Dr. Rui Maria Araujo hafoin simu posse husi Prezidente Republika Francisco Guterres Lu-Olo ba nia kargu, hahu kedan nia servisu.

Ministru Saude, Dr. Rui Maria Araujo halo vizita ba ONGV. Photo: FB Rui Araujo

Eis Primeiru Ministru iha VI Governu Konstitusional ne’e hahu nia servisu ba vizita edifisiu Ministeriu Saude iha eis Palasiu Sinzas, Caicoli Dili. Iha vizita ne’e, Ministru Rui Araujo halo inkontru ho Ministra sesante, Maria do Ceu Pina Sarmento ho nia Vise Ministra Sessante, Maria Isabel.

Hosi fotografia ne’ebe publika iha funpage Facebook Rui Araujo (Facebook Ministru Rui nian) ne’ebe nia rasik publika iha tuku 11.22 OTL kalan Ministru Rui simu duni hosi ministra no vise ministra sesante hodi halo kedan inkontru.

Iha Sabadu (16/09/2017), Ministru Rui vizita fali Ospital Nasional Guido Valadares (ONGV) iha Dili hodi buka hatene no komprende funsionamentu no dezafiu ne’ebe infrenta iha ONGV ne’e. Iha posting ne’ebe ministru publika tuku 13.06 OTL, vizita ne’e nia halo hahu tuku 11.25 to’o 13.00 OTL.

Ministru Saude, Dr. Rui Maria Araujo koko hela komputador nudar fasilidade ne’ebe nia servisu ba. Photo: FB Rui Araujo

Iha fotografia ne’ebe publika, Ministru Rui vizita mos fatin pasienti balun no ikus hasai fotografia ho mediku sira ne’ebe halo knar iha ONGV.

Nune’e mos Ministru Rui Araujo kontinua publika nia atividade iha 17 Setembru 2017, ne’ebe publika kona ba nia atividade hodi husik uma residensia offisial wainhira asumi kargu primeiru ministru desde 2015-2017. Uma residensial offisial ne’ebe durante ne nia hela mak iha Rua de Cabo Verde No.14, Farol, Dili.

Ministru Saude, Dr. Rui Maria Araujo hasai foto ho ema ne’ebe durante ne’e apoiu ba nia servisu iha nia residensia offisial iha Farol, Dili. Photo: FB Rui Araujo

“Obrigado ba BOP, oficial administracao no logística GPM, no mos ba governanta no pessoal de apoiu seluk iha residência. Maromak sei selu imi nia kolen durante tinan rua ho balun imi fo apoiu ba hau, no hau nia família. Votos sucesso nafatin iha imi nia serbisu,” hakerek Ministru Rui Araujo iha nia Facebook.

Kargu Ministru Saude, nudar kargu daruak ba nia, tamba iha I Governu Konstitusional kargu ne’e nia asumi hotu.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here