Home desportu Sai Kampiaun LFA, Karketu Dili Fokus ba Copa 12 Novembru no AFC...

Sai Kampiaun LFA, Karketu Dili Fokus ba Copa 12 Novembru no AFC Cup

129
0
SHARE
Illustrasaun thetimornews

By: Hortencio SANCHES

THETIMOR-NEWS.com, Baucau – Hafoin sai kampiaun ba LIga Futebol Amadora (LFA) epoka 2017 nian, klubu hosi Kapital Dili, Karketu Dili FC dadauk ne’e fokus tan ba Copa 12 Novembru no kompetisaun Asian Football Confederation (AFC) Cup ne’ebe klubu ne’e sei partisipa iha tinan 2018.

Simon Ellisetche, Treinador Karketu Dili FC ne’ebe konsege lori klubu Kapital Dili ne’e sai kampiaun LFA Epoka 2017. Photo: TTN/Hortencio Sanches

Treinador Karketu Dili FC, Simon Ellisetche maski sai ona kampiaun ba epoka 2017, treinador ho nasionalidade Xile ne’e husu ba nia jogador atu lalika kontenti lai tamba sei iha tan kompetisaun rua ne’ebe sai fokus ba Forsa Matak Malirin iha tinan ne’e maka Copa 12 Novembru no kompetisaun internasional AFC Cup iha tinan oin.

“Hau sei lori jogador treina nafatin, tamba ami sei iha kompetisaun rua 12 Novembru no lori klubu ne’e ba rai liur tuir AFC Cup,” komentariu Simon Ellisetche ba jornalista sira hafoin selebra sira nia kampiaun, Sabadu (16/09/2017), iha Estadiu Munisipal Baucau.

Tuir Simon, ne’ebe iha epoka 2016 failla lori FC. Assalam promosaun ba primeira divisaun, laiha target ida no promote sei lori Karketu Dili FC klubu primeira divisaun ne’ebe nia lidera iha epoka 2017 hodi sai kampiaun.

“Ida ne’e mak hau nia mehi duni, bainhira hau asina kontratu iha klubu karketu kuandu estrutura husi klubu ne’e fo fiar mai hau,” dehan Simon.

Nia hateten, epoka 2017 sai duni epoka ne’ebe kompetivu teb-tebes ba klubu 8 iha primeira divisaun hanesan Karketu Dili FC, AD. SLB, AS. Ponta Leste, Carsae FC, Cacusan FC, FC Zebra, Porto Taibessi, ho Academica.

“Tinan ne’e kompetivu teb-tebes, tamba klubu hotu iha ambisaun ho target hakarak sai kampiaun,” nia dehan.

Nia mos husu ba estrutura klubu ne’e atu kontinua fo fiar ba nia hodi lidera nafatin klubu hosi Postu Administrivu Dom Aleixo ne’e ba epoka 2018.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here