Home desportu Epoka 2018, Karketu Dili Fiar Nafatin Sai Kampiaun

Epoka 2018, Karketu Dili Fiar Nafatin Sai Kampiaun

41
0
SHARE
Karketu Dili FC, klubu Kapital Dili ne'ebe sai kampiaun LFA Epoka 2017, kontinua fiar an katak sei sai kampiuan ba epoka 2018.Photo: TTN/Hortencio Sanches

By: Fidelio RAMOS

THETIMOR-NEWS.com, BAUCAU – Kampiaun Liga Futebol Amadora (LFA) epoka 2017 ne’ebe klubu Kapital Dili, Karketu Dili FC hetan, fiar katak sei akontese nafatin iha epoka 2018.

Prezidenti LFA, Nilton Gusmao (no 1 hosi liman karuk) entrega premiu osan US$ 15,000 ba Karketu Dili FC ne’ebe sai kampiaun LFA Epoka 2017. Photo: TTN/Hortencio Sanches

Prezidenti klubu Karketu Dili FC, Elizio Oscar espera, ba epoka 2018 ho preparasau ne’ebe sei diak liu tan, nia fiar katak klubu ne’ebe nia lidera kontinua sei sai kampiaun LFA nian.

“Ami  halo servisu hamutuk durante tinan rua ona maka ohin Karketu bele konsege realiza mehi manan iha epoka 2017 ho ne’e ba oin hau hein katak ami mak nafatin sai kampiaun iha epoka tuir mai,” hatete Elizio Oscar ba Jornalista sira iha Estadio Munisipal Baucau, Sabadu (16/09/2017).

Kapitaun Karketu Dili FC, Vitor Sabas ne’ebe klubu ne’e sosa hosi FC. Academica iha epoka 2017 senti kontenti tanba bele hamutuk ho nia ekipa hodi hetan kampiaun.

Alende Vitor Sabas ne’ebe Karketu Dili FC sosa hodi haforte klubu ne’e, Forsas Matak Malirin mos sosa baliza FC. Porto Taibessi, Fagio Pereira, Filipe Oliveira (hosi DIT), Joao Paulo (Atletico Ultramar), Oligario Boavida (Academica), Antonio Vega (Xile), Alan Leandro (Brazil), no Henrique Conceição. Alende sosa jogador foun, dirijenti klubu mos desidi kontratu eis treinador FC. Assalam, Simon Ellicethe ho nasionalidade Xile.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here