Home desportu Karketu Dili Kampiaun LFA 2017

Karketu Dili Kampiaun LFA 2017

334
0
SHARE
Karketu Dili FC, klubu Kapital Dili sai kampiaun LFA Epoka 2017 maski iha nia jogu ikus lakon 0-2 hosi AD. SLB Laulara, Sabadu (16/09/2017) iha EStadu Munisipal Baucau. Photo: TTN/Hortencio Sanches

By: Hortencio SANCHES

THETIMOR-NEWS.com, Baucau – Klubu futebol hosi Kapital Dili, Karketu Dili FC sai kampiaun Liga Futebol Amadora (LFA) epoka 2017.

Forsa Matak Malirin ne’ebe xavi ona nia titlu nudar kampiaun iha jornada 13, iha nia jogu ikus ba jornada 14, la konsege hadau pontu no lakon 0-2 ho AD SLB iha jogu ne’ebe halao Sabadu (16/09/2017), iha Estadiu Munisipal Baucau.

Maski lakon pontu 28 ne’ebe ekipa ne’ebe treina hosi Simon Ellisetche ne’e, labele duni hosi nia rival iha pozisaun runner up AS. Ponta Leste ne’ebe kolekta pontu 25. AD. SLB ne’ebe kampiaun epoka 2016, iha epoka ne’e finish iha pozisaun 4 ho pontu 21.

Golu AD. SLB nian produz husi Yohanes Gusmao iha minutu 41 no golu Deonilson Araujo iha minutu 61 lori Makikit Laulara ne’e hakoi mehi Karketu Dili FC ne’ebe plenea festeza ba kampiaun nian ho manan iha jogu ikus.

Jogador Karketu Dili FC tenta lori bola tama ba area perigozu AD. SLB iha jogu ksu jornada 14 LFA nian. Iha jogu ne’e, maski sai kampiaun ba epoka 2017, Karketu Dili FC lakon 0-2 hosi AD. SLB iha jogu ne’ebe halao Sabadu (16/09/2017), iha Estadiu Munisipal Baucau. Photo: TTN/Hortencio SANCHES

Iha jogu ne’e Arbitu Pedro Carvalho ne’ebe diriji jogu ho apoiu hosi Juiz lina Filomeno da Silva no Joanico Gama konsege hasai kartaun mean rua ba Amilcar Belo jogador hosi Karketu Dili FC iha minutu 65 no Nidio Ricardo hosi AD. SLB tenki simu kartaun kinur daruak (ikus mean) tamba hamrik nafatin iha parte kampu Karketu Dili nian hafoin golu daruak nia ekipa iha minutu 62.

Antes ne’e, arbitru mos fo kartaun kinur ba jogador husi matak malirin, Henrique Conceição minutu 22, Filipe Oliveira minutu 25 no Jogador AD. SLB nian ne’ebe hetan kartaun kinur mak Yohanes Gusmao iha minutu 25 ho nia jogador hosi estranjeiru Boaton Prime iha minutu 50.

Hafoin joga remata, Karketu Dili FC simu kedan taça LFA Epoka 2017 ne’ebe entrega hosi Prezidenti LFA, Nilton Gusmão.

Taça LFA 2017 ne’ebe LFA fo ba Karketu Dili diferensia ho taça ne’ebe uluk AD. SLB simu iha epoka 2016 wainhira sai kampiaun dahuluk nian.

Iha degradasaun nian klubu hosi Baucau, FC Zebra no Porto Taibessi tuun ba segunda divisaun. Entertantu hosi segunda divisaun ne’ebe promosaun ba primeira divisaun maka klubu Atletico Ultramar, DIT FC ho FC. Assalam.

Avansadu Karketu Dili FC, Henrique Conceição hosi Brasileiru ne’ebe sai top score iha LFA Epoka 2017. Photo: LFA

Sai top scoore ba epoka 2017 maka jogador avansadu hosi Karketu Dili FC, Henrique Conceição ho golu 13.

SKUAD KARKETU DILI FC: Fagio Pereira, Filipe Oliveira, Domingos Ramos, Amilcar Belo, Jorge Victor, Oligario Boavida, Joao Paul Pereira, Jobelquin Costa, Osvaldo Batista, Alan Leandro, no Henrique Conceição.

SUPLENTI:

Frenky Cardoso, Antonio Martins, Emidio Ribeiro, Vicente Ramos, Cipriano Branco, Augosto Costa, Sebastiao Ximenes.

SKUAD AD. SLB: Julio Mendonsa, Gumario Morreira, Zermias Baptista, Joanico Favio, Denilson Araujo, Nidio Ricardo, Georgino da Silva, Yohanes Gusmao, Filomeno Joanico, Boaten Frince, Michael Rofi.

SUPLENTI: Fernando da Costa, Carlos Almeida, Huger Dersager, Danilson Guterres, Oscar dos Santos, Lopoldo Guterres.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here