Home nasional PR Lu-Olo: Posse ba Membru Governu Foun Tuir Konstituisaun

PR Lu-Olo: Posse ba Membru Governu Foun Tuir Konstituisaun

276
0
SHARE
PR Francisco Guterres Lu Olo hato'o hela deskursu iha seremonia posse ba VII Governu KOnstitusional. Photo: Media PR

By: Fidelio RAMOS

THETIMOR-NEWS.com, DILI – Posse ne’ebe Prezidenti Republika (PR), Francisco Gutrres Lu-Olo halo ba Primeiru Ministru Mari Alkatiri ho nia membru governu nain 11 tuir duni Konstituisaun RDTL nian.

PM Mari Alkatiri halo hela juramentu iha PR Francisco Guterres Lu Olo nia oin. Photo: Media PR

Tamba ne’e nu’udar xefi estadu nia senti haksolok bele fo posse ba governante foun ba VII Governu Konstitusional.

“Nu’udar prezidenti hau haksolok tebes ba hau nia an rasik, tanba fo posse ba governu foun tuir duni nia regra konatituisaun RDTL nian no kontribui ba eatabilidade no funsionamentu normal instituisaun sira nian,” dehan PR Lu-Olo iha nia diskursu iha seremonia posse ba VII Governu Konstitusional iha Palacio Nobre Lahane Dili, Sexta (15/09/2017).

Ho posse ne’ebe membru governu foun sira simu, offisialmente hahu ohin PM Alkatiri ho nia membru governu ne’ebe simu ona posse bele halao sira nia knar iha VII Govenru Konstitusional.

Nia hatutan, posse ba VII Governu Konstitusional nian hatudu duni sinal importante iha vida funsionametu ne’ebe estabel ba sistema politiku ida ne’ebe hahu hala’o tia ona, hafoin tama ba iha ukun rasik-an.

PR Francisco Guterres Lu Olo foto hamutuk ho membru VII Governu Konstitusional. Photo: Media PR

Nune’e nia sente haksolok mos ba membru governu foun sira ne’ebe simu ona posse mesak ema ne’ebe iha esperiensia diak liu nune’e bele halo diak instituisaun ne’ebe agora sira atu lidera no nia fiar katak sei halo knar ho diak no tuir konstituisaun ne’ebe mak iha hodi hare povu nia moris.

Ministru nain 10 ne’ebe simu posse ne’e maka, Jose Ramos Horta ba Ministru Estadu no Konseleiru Seguransa Nasional, Rui Maria de Araujo (Ministru Estado no Ministru Saude), Estanislau da Silva (Ministru Estadu no Ministru Agrikultura no Peskas), Adriano do Nascimento (Ministru Presidensia Konsellu Ministru), Aurelio Sergio Cristovao Guterres (Ministru Negosiu Estranjeiru no Koperasaun), Valentim Ximenes (Ministru Administrasaun Estatal), Rui Agostu Gomes (Ministru Planu no Finansas), Agostinho Sequeira Somoxo (Ministru Defeza no Seguransa), Antonio da Conceicao (Ministru Komersiu no Industria), Florentina Smith (Ministra Solidariedade Sosial) no Lourdes Maria Bessa ba Vise Ministru Edukasaun no Kultura.

Editóra: Agida DOS SANTOS I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here