Home nasional PR-Lu-Olo Husu Governu Koligasaun Tenke Halo Tuir Komprimisiu

PR-Lu-Olo Husu Governu Koligasaun Tenke Halo Tuir Komprimisiu

350
0
SHARE
PR Francisco Guterres Lu Olo hato'o hela deskursu iha seremonia posse ba VII Governu KOnstitusional. Photo: Media PR

By: Fidelio RAMOS

THETIMOR-NEWS.com, DILI- Prezidenti Republika (PR) Francisco Guterres Lu-Olo bolu atensaun no husu ba governu minoritariu no koligasaun tenke tau atensaun ba komprimisiu ne’ebe mak sira fo sai ona.

Membru VII Governu Konstitusional ne’ebe hetan posse ba sira nia kargu hosi PR Francisco Guterres Lu Olo. Photo: Media PR

Komprimisiu ne’ebe mak governu koligasaun fo sai mak hanesan, primeiru atu garante dezenvolvimentu ekilibradu, sustentavel iha Munisipiu sira no rejiaun oi-oin, segundu atu garante konsolida tranzisaun entre jerasaun sira no terseiru luta makas hasoru korupsaun, koluzaun no nepotismu.

“Hau fiar katak asaun ida ne’e governativa tuir komprimisiu sira ne’e sei lori duni ita nia nasaun ne’e ba oin,” dehan PR Lu-Olo iha nia diskursu hafoin fo posse ba membru governu foun iha Palasiu Nobre Lahane Dili, Sesta (15/09/2017).

Nia argumenta tan, asaun governativa ne’ebe hala’o ona tuir duni komprimisiu sira ne’e bele simu mos apoiu husi partidu sira seluk tan hodi fo forsa sosial sira.

VII Governu Konstitusional forma hosi Partidu FRETILIN ho PD ne’ebe avansa ho governu minoria tamba iha det kadeira 30 (FRETILIN 23, PD 7).

Iha Parlamentu Nasional, Partidu CNRT ho kadeira 22, PLP 8 no KHUNTO 5 deklara sai opozisaun.

Editóra: Agida DOS SANTOS I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here