Home nasional PR Lu-Olo Nomeia Ona Mari Alkatiri Sai PM

PR Lu-Olo Nomeia Ona Mari Alkatiri Sai PM

445
0
SHARE
PR Francisco Guterres Lu-Olo koalia sai nomeasaun Dr. Mari Alkatiri ba Primeiru Ministru VII Governu Konstitusional, Kinta (14/09/2017). Photo: TTN / Fidelio Ramos

By: Fidelio RAMOS

THETIMOR-NEWS.com, DILI – Prezidente Republika (PR) Francisco Guterres Lu-Olo ofisialmente anunsia ona nomeasaun Sekretariu Jeral Frente Revolusionario Timor – Leste Independente (FRETILIN), Dr. Mari Alkatiri hodi asume kargu Primeiru Ministru (PM) ba VII Governu Konstitusional.

“Ohin hau fo hatene ba povu tomak katak nu’udar Prezidenti hola kompentesia tuir artigu 106 no 85 alinea D nian hodi nomeia Dr. Mari Alkatiri atu sai primeiru ministru,” deklara PR Lu-Olo, Kinta (14/09/2017), iha konferensia imprensa ne’ebe halao iha Palasiu Prezidensial Aitarak Laran, Dili.

Xefi estadu ne’e esklarese, nomeasaun ne’ebe nia hola bazeia ba Konstituisaun Republika Demokratika de Timor – Leste (RDTL). Tanba ne’e nudar ulun ba nasaun, nia husu ba  povu hotu  tenki hakmatek nafatin hodi hein rezultadu no PR sei fo posse ba governu dala hitu nian.

Maske rekonese la maioria iha nia koligasaun, Partidu FRETILIN no PD nakloke nafatin ba partidu sira seluk atu bele servisu hamutuk.

Ho koligasaun ne’e, PR Lu Olo rekonese katak Governasaun FRETILIN ho PD iha deit kadeira 30 ou bele hateten risku ba sira nia apresentasaun Orsamentu Jeral Estadu (OJE).

Tuir ajenda, PM Mari Alkatiri ho nia ministru balun sei hetan posse hosi PR Lu Olo iha aban (Sexta, 15/09/2017) iha Palasiu Nobre, Lahane, Dili.

Antes ne’e, FRETILIN, PD ho KHUNTO pozitivu ona hodi forma governu koligasaun, maibe iha 13 Setembru 2017, KHUNTO kalo hakfodak publiku hodi lakohi fali asina akordu plataforma formasaun governu nian no ohin 14 Setembru 2017, offisialmente fundador Partidu KHUNTO, Jose Naimori ho nia estrutura partidu deklara sai opozisaun iha Parlamentu Nasional.

“KHUNTO desidi sai opozisaun iha Parlamentu Nasional,” dehan Jose Naimori.

Iha Eleisaun Parlamentar, FRETILIN sai partidu vensedor ho kadeira 23, tuir kedan CNRT 22, PLP 8, PD 7 no KHUNTO 5.

Editór: Hortencio SANCHES I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here