Home nasional Horta: Hau Prontu ba Governu

Horta: Hau Prontu ba Governu

1057
0
SHARE
Jose Ramos Horta. Photo: Media PR

By: Fidelio RAMOS

THETIMOR-NEWS.com, DILI – Eis Prezidenti Republika (PR) periodu 2007-2012, Jose Ramos Horta prontu atu fila hikas ba iha governu.

Wainhira tama iha governu, premeadu nobel da paz ne’e dehan, nia sei kontribui hodi fo formasaun ba ministeriu, sekretariu estadu no funsionariu hotu.

“Iha Tinan lima nia laran ne’e hau hakarak buka tulun vise ministru ministeriu hotu,” dehan Ramos Horta ba Jornalista sira iha Palasiu Prezidensial Bairo-Pite, Dili, Kinta (14/09/2017).

Nia hatutan, “Fila ba iha governu atu sai ministru negosiu estranzeiru ne’e konsidera tinan sanulu liu tia ona ne’e fo ba ema seluk, maibe hakarak asumi deit kargu hanesan kordenador ruma para atu oinsa ajuda deit ministeriu hotu atu sai diak liu tan.

Hosi informasaun ne’ebe thetimornews simu, Ramos Horta sei asumi kargu ministru estadu ida ba asuntu balun nian.

Jose Ramos Horta iha 2002-2007 asumi kargu nu’udar Ministru Negosiu Estranjeiru no Koperasaun, iha 2007 eleitu ba Prezidenti Republika to’o 2012. Antes ba Prezidenti Republika, Ramos Horta konsege asumi kargu Primeiru Ministru iha 2006 hafoin Mari Alkatiri rezigna an hosi kargu numeru ida iha orgaun ezekutivu nian ne’e.

Editór: Hortencio SANCHES I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here