Home nasional Lere: Lalika Fo Kadeira ba Partidu Ne’ebe Buka Kadeira

Lere: Lalika Fo Kadeira ba Partidu Ne’ebe Buka Kadeira

7961
1
SHARE
Xefi Estadu Maior das forsa armada F-FDTL, Maijor General Lere Anan Timur.

By: Fidelio RAMOS

THETIMORNEWS.com DILI- Xefe Estadu Maior das Forsas Armadas F-FDTL, Maijor Jeneral Lere Anan Timur hatete, halo koligasaun laos atu hadau malu kadeira, maibe koliga atu servi estadu no povu.

“Se partidu balun ne’ebe halo koliga buka fali kadeira entaun diak liu lalika fo tan kadeira,” dehan Lere ba Jornalista sira hafoin remata inkontru ho prezidenti Republika (PR) Francisco Guterres Lu-Olo iha Palacio Prezidensial Bairu-Pite Dili Kuarta (13/09/2017).

Jeneral ho fitun rua ne’e esklarese, politiku nain sira labele aproveita situasaun, hodi sai membru governu tamba deit hakarak buka fatin diak ba ida-idak nian an.

“Kuandu ita manan tenki servi estadu, laos estadu mak servi fali ita. Hare’e KHUNTO buka fali kadeira, tanba ne’e husu partidu seluk kontinua ba oin nafatin,” dehan Lere.

Tanba ne’e nia husu ba KHUNTO tenke hamutuk hodi kopera hodi avansa ba oin atu forma governu no labele dada an.

“KHUNTO sorti manan ona iha eleisaun foin lalais ne’e, tanba KHUNTO laiha figura istoriku ida, nia rekunese eleisaun foin lalais ne’e ema balun la hare’e ba figura hodi vota ne’e mak nia manan ne’e,” dehan eis guerilero ne’e.

Nia mos dehan katak sei la vota tan wainhira mosu eleisaun antisipada tamba nia mos senti kolen hanesan povu ne’ebe se la ba vota dala rua tan.

“Vota ne’e tinan lima dala ida deit,” deklara Lere.

Iha Eleisaun Parlamentar, Partidu KHUNTO ne’ebe lidera hosi Jose Naimori ho Armanda Berta konsege lori KHUNTO ba Parlamentu Nasional ho kadeira 5.

Editóra: Agida DOS SANTOS I COPYRIGHT@2017

1 COMMENT

  1. Balu sees aan tamba rona Dr. Mari husu ba sira nebe mak atu tuur iha guverno presija hatama CV, ne mk buka cara oin2 hodi sees tiha neee

LEAVE A REPLY

Please enter your comment!
Please enter your name here