Home dezenvolvimentu Aniceto Guterres Prezidente Foun PN

Aniceto Guterres Prezidente Foun PN

217
0
SHARE
Prezidente Parlamentu Nasional Aniceto Guterres, photo Google.

By: Hortencio SANCHES

THETIMOR-NEWS.com, DILI – Aniceto Guterres membru husi partidu mais votadu Frente Revolucionario Timor – Leste Independente (FRETILIN) Segunda (05/09/2017) asumi ona knar hanesan Prezidente Parlamentu Nasional (PN), hodi troka eis prezidente sesante Aderito Hugo da Costa hodi lidera PN  durante tinan 5.

Bainhira assume knar hanesan, prezidente PN Aniceto kandidatu hanesan pakote ida ne’ebe, aprezenta husi partidu FRETILIN, PD no KHUNTO hodi kompete ho Aderito Hugo da Costa hanesan pakote ne’ebe aprezenta husi partidu CNRT no PLP.

Pakote Aniceto Guterres apoiu masimu husi, deputadu Mari Alkatiri, Francisco Miranda Branco, Mariano Assanami Sabino, Antonio da Conceicao, Armanda Berta dos Santos, Agustino da Silva, Estanislao Alexo da Silva, Fausto Freitas da Silva, Antonio dos Santos, Silvina Adolpo, David “Mandati” Dias Ximenes, Ilda Maria da Conceicao, Florentina da Conceicao Smith, Angelica da Costa, Dario Madeira, Domingos Ribeiro, Gabriela Alves, Cidalia Mesquita Ximenes no Antonino Bianco.

Deputadu III lejislatura sira husi ona fatin hodi intregaba deputadu IV lejislatura sira iha uma fukun PN, photo TTN/Hortencio Sanches.

Pakote Aderito Hugo da Costa, apoiu husi deputadu, Natalino da Costa Nasimento, Mericio Juvinal dos Reis, Rosalina Ximenes, Abel Pires da Silva, Deometrio Amaral, Carmelita Caetano Moniz, Patricimo dos Reis, Ricardo Baptista, Albina Freitas, Maria Fernanda Lay, Eduardo Barreto Dusae, Maria Terezinha Viegas, Liandro Lobato, Brigida Correia, Julio Tomas Pinto, Fransisco Guterres, Jacinto Rigoberto.

Votasaun halo iha sala plenaria hahu husi 21:35 OTL no remata ho kontajem hodi hatene rezultadu final 22:19 OTL kalan.

Hafoin remata kontazen rezultadu hatudu momos katak deputadu Aniceto Guterres hetan votus maioria simples 33 no deputadu Aderito Hugo da Costa ho votus 32.

Hahu husi oras ne’e, kedas deputadu Aniceto Guterres hola kedan fatin iha leten hodi troka prezidente tuan Aderito Hugo da Costa, no hahu ho diskursu hodi fo agradese no emosaun tomak ne’ebe fob a nia hodi lidera PN durante periudu ida nia laran.

Deputadu IV lejislatura sira hahu inkontru plenaria ba dala uluk iha uma fukun PN, photo TTN/Hortencio Sanches.

“Hau hakarak hahu hodi agradese, ho emosaun tomak ba konfiansa ne’ebe hatudu mai hau, liu husi votasaun sekretu, hodi lidera prezidente PN, titular segundu orgaun soberania iha ita nia rain,” dehan Aniceto Guterres iha nia primeira diskursu bainhira eleitu hanesan Prezidente PN.

Tanba ne’e, nia sei tau as interese estadu nian liu interese partidu nian, hodi kontribui ba dezenvolvimetu iha nasaun Timor – Leste.

Nune’e PN sei oda matan nakloke ba sosiedade Sivil, Igreja sira povu hotu ne’ebe hakarak kontribui ba servisu PN nian hodi lori nasaun ne’e ba futuru ne’ebe mak diak.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here