Home nasional Kandidatu Prezidente PN, FRETILIN-PLP Lao Ketak-ketak

Kandidatu Prezidente PN, FRETILIN-PLP Lao Ketak-ketak

1323
0
SHARE

By: Hortencio SANCHES

THETIMOR-NEWS.com, DILI – Hafoin konkorda ho koligasaun hodi forma VII Governu Konstitusional, FRETILIN ho PLP kontinua halo inkontru hodi deskusti estrutura meza Parlamentu Nasional (PN). Inkontru tekniku ne’e partidu rua kontinua halo iha Hotel Novo Turismu, Sabadu (02/09/2017).

Hosi diskusaun ne’ebe partidu rua, laiha konkordansia ne’ebe mosu atu lian ida deit ba estrutura meza PN nian. Tamba ne’e, iha posse ba estrutura membru PN ba IV lejislatura ne’ebe sei halao iha Tersa (05/09/2017), partidu rua ne’e sei avansa ho nia lista ketak-ketak hodi hili estrutura meza PN nian.

Adjuntu Sekretariu Jeral FRETILIN, Jose Reis hatete, inkontru tekniku ne’ebe mak sira halo atu deskuti kona ba lista kadidatura prezidente atu assume kargu prezidente Parlamentu Nasional (PN).

“Ami ohin koalia kestaun tekniku atu hakat ba meza Parlamentu, maibe hanoin katak 5 Setembru agora iha PN mak ami avansa dala ida ho kandidatura,” dehan Jose Reis ba josrnalista sira.

Nia informa kona ba koligasaun parte rua iha ona hanoin ne’ebe mak hanesan ona atu avansa ba nia prinsipiu, maibe meza Parlamentu mak parte rua (2) seidauk hetan solusaun ba akordu.

“Kona ba meza  Parlamentu mak ami laiha akordu ida konforme iha dia 5 agora mak ami ida-idak avansa,” dehan Jose Reis.

Iha fatin hanesan, Vise Prezidente PLP, Fidelis Magalhaes afirma, relasiona ho inkontru ne’eba mak halao laiha solusaun ruma tanba PLP nia pozisau klaru ona.

“PLP hanoin katak bainhira ita iha koligasaun, koligasaun tenke hamrik hotu ho vos ne’ebe mak ida atu koligasaun ne’ebe solidu, komu iha inkontru ohin laiha solusaun ida entaun 5 Setembru agora iha PN mak ami sei lao ket-ketak, FRETILIN ba ho nia kadidatura ami mos sei ba ho ami nia kadidatura maibe ami sei hare atu iskolla,” dehan Fidelis.

Nune’e tuir ejijensia PLP nian ba inkontru tekniku refere, hakarak hari  koligasaun tenke hari hanesan bloku ida ne’ebe mak metinn no buat hotu tenke lao hamutuk.

Nia hatutan, PLP iha ona prinsipiu ne’ebe mak klaru bainhira hakat ba koligasaun partidu ne’e iha nia prosta rasik katak prezidente da meza tenke fo ba iha PLP.

Hare ba hanoin no ideia ne’ebe mak seidauk hanesan, publiku nota katak ba futuru koligasaun entre partidu rua bele la sai realidade tanba hanoin no hakarak seidauk los.

Maibe durante inkontru  sira ne’ebe liu ona parte rua iha ona hanoin ne’ebe hanesan hodi hakat ba koligasaun ne’ebe diak.

Tuir informasaun ne’ebe espalla katak kandidatu Prezidenti PN nian FRETILIN sei konkorda wainhira asumi hosi Taur Matan Ruak ou ema veteranu ne’ebe iha PLP nian, maibe kuandu fo ba seluk ne’ebe FRETILIN hare’e la konkorda, entaun FRETILIN sei avansa ho nia kandidatu ketak.

Hosi informasaun ne’ebe antes ne’e espalla, FRETILIN kandidata ona Aniceto Guterres atu sai Prezidenti PN. Maibe hosi parte seluk fali, PLP “hakarak” Fidelis Magalhaes mak sai Prezidenti PN.  

 Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here