Home nasional Diferente Religiaun, Tenke Hadomi Malu Hanesan Timoroan

Diferente Religiaun, Tenke Hadomi Malu Hanesan Timoroan

306
0
SHARE
Komuninidade Musulmanu iha Timor - Leste konsentra hamutuk iha Mezid An-Nur Kampung Alor Dilihodiselebra loron bo'ot Idul Adha, photo: TTN/Hortencio SANCHES.

By: Hortencio SANCHES

THETIMOR-NEWS.com, DILI – Timor – Leste hanesan nasaun soberania no demokratiku, ne’ebe fo liberdade ba ema hotu atu moris tuir ida-idak nia fiar tantu diferente religiaun maibe tenke hadomi malu nudar Timoroan.

1 Setembru hanesan loron ne’ebe importante ba komunidade Musulmanu tomak iha mundu selebra loron  Idul Adha katak, hamos sala ne’ebe durante ne’e sira halo no habelar sira nia solidaridade ba ema hotu.

Iha selebrasaun  ba loron Idul Adha ne’e, hetan vizita diretamente husi Prezidente Republika (PR) Francisco Guterres Lu-Olo no nia kaben Cidalia Nobre Gutrres hodi hatudu katak Timor – Leste iha solidaridade  ba malu bo’ot tebes, maske fiar la hanesan.

Prezidente Republika Francisco Guterres Lu-Olo ho nia kaben Cidalia Nobre Guterres tur koalia hela ho Sekretariu Jeral FRETILIN Mari Alkatiri n bainhira partisipa serimonia loron Idul Adha ho komunidade Musulmanu sira iha Mezid An-Nur Kampong Alor Dili, (01/09/2017), Photo: TTN/Hortencio SANCHES.

“Ohin ita mai iha ne’e, hamutuk ho sira hodi solidariza sira hanesan valor ne’ebe tane as domin no paz iha ita nia nasaun no ba mundu tomak,” dehan PR Lu-Olo ba Jornalista sira hafoin remata vizita ho komunidade Musulmanu sira iha Mesquita An-Nur, Kampung Alor, Dili, Sexta (01/09/2017).

Nia husu ba povu Timor – Leste hotu atu fo liman ba malu atu, tane as valor paz domin iha nasaun ne’e, atu nune’e, labele sai hanesan nasaun seluk ne’ebe oras ne’e daudaun sei oho malu tan deit fiar la hanesan.

Iha fatin hanesan Reprejentante Musulmanu Timor – Leste, Arif Abdullah Sagran hatete, loron ida ohin importante tebes ba komunidade Musulmanu tomak iha mundu hodi halo perigrinasaun ba  Mekah, maibe sira ne’ebe la konsege ba Mekah bele selebra deit iha Mesquita hodi halo sakrifisiu solidaridade ba maluk kbit laek sira hodi ofrese animal hanesan Karau no bibi.

“Loron bo’t Idul Adha hanesan mos loron bo’ot ida husi loron bo’ot rua ne’ebe ema Musulmanu hotu selebra iha mundu,”  dehan Arif.

Prezidente Republika Francisco Guterres Lu-Olo koalia hela ho komunidade Musulmanu sira iha Mezid An-Nur Kampung Alor Dili, (01/09/2017) photo: TTN/Hortencio Sanches.

Tanba ne’e sira sente orgullu, tanba komunidade musulmanu iha Timor – Leste minoria tebes, maibe bele hamutuk ho komunidade maioria kristaun sira hodi  selebra hamutuk no hetan vizita husi Prezidente Republika.

Nune’e, nia fiar katak Timor – Leste iha domin ba malu tebes, no ema hotu hatene respeita ba malu kona ba fiar.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here