Home dezenvolvimentu FRETILIN-KHUNTO Hetan Ona Progresu ba Koligasaun

FRETILIN-KHUNTO Hetan Ona Progresu ba Koligasaun

409
0
SHARE
Fundador KHUNTO Jose Naimori akompaina husi prezidente KHUNTO Armanda Berta husi klaran no liman los Sekretariu Jeral FRETILIN Mari Alkatiri hato hela rejultadu negosiasaun politika ba foramsaun governu ba dala hitu, photo Google.

By: Hortencio SANCHES

THETIMOR-NEWS.com, DILI – Adjunto Sekretariu Jeral Frente Revolucionario Timor – Leste Independente (FRETILI) Jose Reis hatete, dialogu entre FRETILIN no partidu Kmanek Haburas Unidade Nasional Timoroan (KHUNTO) konsege hetan ona progresu uitoan tanba hanoin ne’ebe la hanesan sira halo los hotu ona atu nune’e bele avansa ba koligasaun.

“Ami iha tempu badak sei tur  hamutuk fila fali entre PLP KHUNTO no ami rasik para atu bele aserta dokumentu final  atu halo asinatura final ba koligasaun hodi forma Governu nian,” dehan Jose Reis.

Nia hatutan, inkontru ikus ne’ebe mak FRETILIN sei halo ba dalaikus ho PLP no KHUNTO iha lorn ru ka tolu tuir mai atu nune’e bele avansa ba oin.

“Ami kolaia prinsipiu ba dokumentu ne’ebe mak fo ona ba kompaineru sira husi partidu rua (2) atu nuene’e ami hodi forma Governu iha tempu badak nia laran,” dehan nia.

Maske iha hasoru malu ne’e, partidu rua ne’e iha ona progresu ba koligasaun maibe sira nia parte seidauk koalia lolos kona ba deside membru Governu.

Iha fatin hanesan Sekretariu Jeral KHUNTO Jose Agustinho da Silva hatete, buat hotu koalia los ona maibe kona ba desode membru Governu sei  lao neineik labele ansi.

“Buat hotu ita tenke halo ho neineik labele ansi, hanesan sae iskada karik sae neneik atu nune’e labele monu,” dehan nia.

Editóra: Agida DOS SANTOS I COPYRYGTH@2017

 

LEAVE A REPLY

Please enter your comment!
Please enter your name here