Home desportu FMCTL Planu 2018, Kampionatu Nasional Motocross Sei Halao Iha Munisipiu

FMCTL Planu 2018, Kampionatu Nasional Motocross Sei Halao Iha Munisipiu

53
0
SHARE
Prezidenti FMCTL, Longuinhos Monteiro hato'o nia agradese ba Sebastiao Silva ba susesu halo obra Sirkuit Loes iha Munisipiu Liquisa. Photo: TTN/Hortencio Sanches

By: Hortencio SANCHES

THETIMOR-NEWS.com, LOES – Prezidente Federasaun Motor Ciklismo Timor – Leste (FMC-TL) Longuinhos Monteiro hatete, oras  ne’e daudaun sira nia parte halo ona planu atu koalia ho Administrador Munisipiu sira hotu atu loke Arena Cross nian atu nune’e eventu Kampionatu Nasional Cross bele halo iha munisipiu hotu iha teritoriu Timor laran.

“Hau aproveita okaziaun ne’e para atu enkoraja administrador munisipiu sira no sponsor local sira para bele mos kontaktu ho Federasaun bele apoiu sira halo kampo atu nune’e bele fo benefisiu ba munisipiu sira,” dehan Longuinos Monteiro ba thetimornews hafoin remata eventu Cross iha Loes, Munispiu Liquica, Sabadu (26/08/2017).

Nia hatutan, fatin ne’ebe mak indentifika ona atu halo kampo ba Crosser hanesan, Suai, Bobonaru, Same Lospalos no seluk  tan.

Nia esplika, Regulamentu FMC-TL kampo Crosser ida tenke luan minimu  800 x 800 metru no masimu 1,2 Km.

“Hanoin Suai ita iha ona ida iha ne’eba, hanoin tinan oin ita nia kampionatu Nasional sir abele ba kompete ona iha ne’eba no Loes ne’e,” dehan Longuinos.

Antes ne’e, eventu motocross mos halao ona iha Lospalos, Same, Suai no Oecusse.

 Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here