Home desportu Sai Kampiaun Seri 4, Vincent Silva Kontinua Lidera Serie Motocross 2017

Sai Kampiaun Seri 4, Vincent Silva Kontinua Lidera Serie Motocross 2017

302
0
SHARE
Vincent Silva, crosser hosi Silva Racing Team ne'ebe sai kampiaun iha klase SE 250 CC Motorcross Seri-2 iha Sirkuit Loes, Munisipiu Liquisa, Domingu (07/05/2017). Photo: TTN/Hortnecio Sanches

By: Hortencio SNCHES

THETIMOR-NEWS.com, LOES  –  Crosser hosi E-Silva Team, Vincent Silva sai tan podium kampiaun nian iha Seri Motocross da-hat hodi kontinua lori nia lidera iha pozisaun dahuluk iha serie motocross 2017 ne’ebe sei falta serie rua tan.

Crosser Danilo Tilman hosi Zefra Racing Team ne’ebe iha tinan 2016 sai liurai iha klase senior 250 CC ne’e, tinan ne’e tenki rekonese Vincent Silva ne’ebe mantein nafatin nia performa iha pozisaun dahuluk dede hahu serie dahuluk nian.

Maski diferensia pontu 6, Vincent Silva ne’ebe iha serie ne’e hetan pontu 50 hosi racing rua ne’ebe halao iha Sabadu (26/08/2017), iah Sirkuit Loes, Munisipiu Liquisa.

Iha racing dahuluk, Vincent Silva crosser nain ba numeru motor 102 ne’e hetan pontu 25 no kontinua pontu hanesan 25 iha racing daruak.

Iha pozisaun datoluk, crosser hosi Montana Diak Team, Jovi Menezes hetan deit pontu 40.

Crosser hat seluk, Alex Freitas hosi Montana Diak Team, Obot Fame (VAD Motor Team), Eduardo Monteiro (individu) no Romario Moniz (Helmi Construction Team), tenki simu iha pozisaun 4, 5, 6 no 7.

Vincent Silva iha serie ne’e lolos aleza iha parte liman los hafoin opera tamba hetan kanek no dotor ne’ebe atende nia operasaun bandu atu labele lori motor ou kareta provizoriumente. Maibe, hare’e ba importansia serie ne’e ba nia, tamba lakohi lakon fatin, Vicent Silva ulun to’os hodi kontinua nia race no konsege sai ba podium kampiaun.

“Hau sente kontente tebes tanba hetan primeiru lugar iha klasse bergensi ne’e dala  4 tutuir malu ona, hau espera katak seri rua tuir mai hau sei sai vensedor nafatin, ohin ne’e hau sente difikuldade tebes tanba hau nia liman ne’e aleija tia iha fulan kotuk sona husi besi, hau nia doutor ne’ebe kurativu hau bandu hau labele halai, maibe hau ulun tos hodi halai nafatin tanba lakoi fo pozisaun ne’ebe mak iha ba ema seluk,” dehan Vincent ba thetimornews hafoin simu premiu iha podium.

Lakon iha Klasse 250cc bergensi nian, tuun iha klase hanesan maibe diferensia nivel, Romario Moniz, crosser hosi Helmy Contruction Team konsege sai kampiaun hafoin hetan pontus total 47, tuir kedan Akau Borges (Montana Diak Team) ho pontu 40 iha pozisaun daruak, no Ameu Santos (HJM Team) ho pontu 31 iha pozisaun datoluk.

Crosser hosi Zefra Racing team, Nesta Bento iha serie ne’e tenki kontenti iha pozisaun 6, pozisaun ikus iha klase ne’e nian tamba hetan det pontu 35.

Iha klase Enduro, sai kampiaun maka Joi Martins husi Cyrus Motor Team ne’ebe tun ho nia numeru motor 09 hafoin hetan pontu 50. Halai ladun diak iha klase 250 CC Grupu B nian, Nesta Bento (2) husi Zefra Racing Team konsege sai podium maski iha pozisaun daruak, no ih apozisaun datoluk okupa hosi Alex Frei (602) husi Kablaky Team. Klase Enduru ne’e rasik kompete ho crosser hamutuk nain 11 hosi racing team 8.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here