Home desportu Motocross Serie VI, Sei Sai Serie Internasional

Motocross Serie VI, Sei Sai Serie Internasional

132
0
SHARE
Sirkuit Loes ne'ebe nia konstrusaun halao hosi Sebastiao Silva lori duni susesu ba kampionatu nasional motocross seri-2 ne'ebe FMCTL halo iha Domingu (07/05/2017). Photo: TTN/Hortencio Sanches

By: Hortencio SANCHES

THETIMOR-NEWS.com, LOES – Prezidente Federasaun Motor Ciklismo Timor – Leste  (FMC-TL), Longuinos Monteiro hatete, eventu seri motor cross ba dala ikus (serie VI) sei sai serie internasional tamba sei partisipa hosi crosser internasional sira. Tuir planu serie ikus ne’e sei halao iha Dezembru 2017.

“Seri dala ikus nian ami Federasaun planu no halo esforsu ona hodi konvida Crosser sira husi Portugal Australia no Indonezia atu mai partisipa hotu tanba iha seri ikus ne’e ita konsidera hanesan eventu internasional,” dehan Longuinos ba thetimornews iha Sirkuit Loes, Munisipiu Liquisa, Sabadu (26/08/2017).

Nia esplika, objetivu husi seri VI ne’ebe halao iha Dezembru  agora hanesan  eventu internasional hodi nune’e bele koko mos mentalidade crosser Timoroan sira nian, oinsa bele ba kompete iha eventu internasional sira iha rai  liur.

Prezidenti FMCTL, Longuinhos Monteiro hato’o nia agradese ba Sebastiao Silva ba susesu halo obra Sirkuit Loes iha Munisipiu Liquisa. Photo: TTN/Hortencio Sanches

Tuir nia crosser Timoroan sira kompete diak tebes maibe tenke treiu nafatin atu nune’e bele hadia diak liu tan.

“crosser ita nian Timor ne’e hare komesa diak uitoan ona hanesan ohin sira kompetelaiha asidente ne’ebe mak makas, fiar katak ba oin sira treinu tan bele sai diak liu tan ne’e,” dehan Longuinhos.

Tanba ne’e, FMC-TL halo kampionatu hodi bele prepara fini crosser Timoroan sira bele sai buras liu tan iha mundu crosser hanesan mos crosser internasional sira.

Nune’e, nia fiar katak iha tinan oin mai crosser Timoroan bele kompete ona iha eventu internasional cross iha nasaun ASEAN nia laran, tanba oras ne’e daudaun Filipina no nasaun seluk balun fo  apoiu makas tebes ba Timor – Leste.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here