Home nasional PR Lu-Olo Husu VI Governu Mantein Nafatin Pozisaun

PR Lu-Olo Husu VI Governu Mantein Nafatin Pozisaun

261
0
SHARE

By: Hortencio SANCHES

THETIMOR-NEWS.com, DILI – Prezidente Republika (PR) Fransisco Guterres Lu-Olo,  husu ba VI Governu Konstitusional atu mantein nafatin pozisaun to Governu foun simu Tomada de Posse.

“Atu formasaun VII Governu PR husu ba ami, atu mantein narfatin servisu de jestaun sira hotu hodi hein to Governu foun simu Posse,” lia hirak ne’e hato husi, Primeiru Ministru Rui Maria de Araujo ba Jornalista sira hafoin remata sorumutu ho PR Lu-Olo iha Palasiu Prezidensial Bairu Pite Dili, Kuarta (24/08/2017).

Nia  informa, PR hato mos ba Governu kona ba informasaun hirak ne’ebe, husi Parlamentu Nasional relasiona ho Tomada de Posse ba deputadu foun sira, ne’ebe sei halao iha 5 Setembro 2017.

“PR akompaina hela prossesu partidu mais votadus iha PN, atu halao formasaun VII Governu nian iha tinan ida ne’e bele  lao ho diak,” dehan PM Rui.

Alende ne’e, asuntu seluk ne’ebe PM aprezenta ba PR konaba Manifestasaun ne’ebe  durante loron hirak liu ba kotuk, Movimentu Estudante Universitariu Timor – Leste sira halao mosu konflitus hodi rejulta kareta estadu nian balun hetan estragus.

Tuir nia atuasaun ne’ebe mak Polisia Nasional Timor – Leste halo hasoru Manifestante sira ne’e, laos krime maibe atu garante orden Publiku.

“PNTL la impede sidadaun se deit nia liberdade atu halo demostrasaun, maibe PNTL foti asaun ne’ebe iha tanba mosu aktus Vandalismo,” dehan ema numeru ida iha VI Governu Konstitusional.

Xefe Governu esplika, kona ba aktus hirak hanesan ne’e Responsabilidade PNTL nian iha ambitu ne’ebe atu garante situasaun paz iha teritortiu laran tomak.

Editóra: Agida DOS SANTOS I COPYRIHT@2017

LEAVE A REPLY

Please enter your comment!
Please enter your name here