Home nasional Lere: Manifestasaun Domokratiku, Laos Halo Violensia

Lere: Manifestasaun Domokratiku, Laos Halo Violensia

1543
0
SHARE
Xefi Estadu Maior das forsa armada F-FDTL, Maijor General Lere Anan Timur. Photo: Espesial

By: Hortencio SANCHES

THETIMOR-NEWS.com, DILI – Xefe Estadu Maior das Forças Armada F-FDTL, Maijor Jeneral Lere Anan Timur afirma, ema hotu bele halo demostrasaun kontra buat ne’ebe, mak estadu halo laos maibe tenke ho demokratiku no labele uja violensia hodi estraga nasaun.

Eis Guirileiro ne’e hatete, Polisia Nasional Timor – Leste (PNTL) foti desizaun hodi halo atuasaun ba manifestante sira ho baze legal tanba tuir orden.

Tuir nia, PNTL iha direitu atu atua situasaaun hanesan ne’e, kuandu manifestante sira halo demostrasaun laos ba estraga fali patrimoniu estadu.

‘‘Polisia halo atuasaun ho baze legal, tanba ne’e ita tenke proteje sasan estadu nian no proteje mos ita nia populasaun sira ne’ebe fila liman hodi buka moris, entaun Polisia halo atuasaun tuir orden, ne’e duni kona ba asaun ida ne’e Polisia la sala ida, sira kumptri sira nia dever, atu nune’e aban bairua se mak halo tan hanesan ne’e, tenke atua mos hanesan ne’e,’’ Lere hato lia hirak ne’e, ba Jornalista sira hafoin remata sorumutu ho Prezidente Republika Fransisco Guterres Lu-Olo iha palasaiu Prezidensial Bairu Pite Dili, Kuarta (23/08/2017).

Durante loron hirak nia laran Movimentu Estudante Universitariu Timor – Leste (MEUTL) halo demostrasaun hodi kontra desizaun Parlamentu Nasional (PN) ne’ebe halo lelaun ba kareta Prado deputadu sira nian la los.

Tuir estudante no Sosiedade Sivil sira, lolos kareta hirak ne’e laos deputadu sira mak halo lelaun ba sira nia an rasik, maibe tenke intrega ba patrimoniu estadu no bele intrega ba deputadu foun sira tanba kareta hirak ne’e maioria kondisaun diak.

Tanba ne’e, Lere dehan, ‘‘Antes ne’e mak ita nia PN no Universitariu sira hanoin didiak karik buat hirak ne’e la sai nune’e, agora estudante hirak ne’e husu atu hatan lalais ba sira nia ejijensia, maibe ita nia PN la rona entaun estudante hirak ne’e halo manifestasaun, tanba sira nia ran  nakali hamosu violensia iha ne’eba maibe ne’e normal, tanba ita nia joven sira mos hare tuir iha Telivizaun katak iha ema nia rain tuda baku sunu ne’e mak sira halo tuir,’’ dehan Lere.

Nune’e nia apela ba publiku atu kria estabilidade no paz iha Timor – Leste, atu nune’e inimigu sira labele uja oportunidade hodi estraga nasaun.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here