Home edukasaun MEUTL: Deputadu Moe Laiha, Halo Venefisiu Ba An Rasik

MEUTL: Deputadu Moe Laiha, Halo Venefisiu Ba An Rasik

298
0
SHARE
Estudante Universidade sira halo hela protesta hasoru PN hodi husu atu kansela lalais lelaun kareta Prado ne'ebe mak deputadu sira halo ba sira nia an rasik iha edifisiu UNTL no PN nia oin, photo TTN/Hortencio Sanches.

By: Hortencio SANCHES

THETIMOR-NEWS.com, Dili – Movimentu Universitariu Timor –Leste (MEUTL) ohin loron datoluk halo manifestasaun ho sintidu silensiu hodi kontra hasoru membru parlamentu Nasional (PN) ne’ebe halo lelaun kareta ba sira nian an rasik, tanba ne’e estudante hirak ne’e, konsidera deputadu hirak ne’e moe laiha.

“Ami kontinua nafatin asaun ida ne’e tanba solusaun seidauk  iha, se  kuandu suspensaun deit labele kareta hirak ne’e tenke intrega hotu save no deputadu foun sira mai bele utilija fila fali atu nune’e labele gasata osan,” dehan Portavoz MEUTL Atanasio Belo ba jornalista sira iha jardin UNTL Dili, Tersa (22/08/2017).

Tuir estudante hirak ne’e, kuandu gasta osan bebeik ba hola kareta ba grupu balun nusa la halo dezenvolvimentu, tanba povu barak mak oras ne’e daudaun sei halerik hela ba estrada no saude ne’ebe la sufisiente ba sira.

“Povu agora barak halerik ba estrada, halerik ba ahi buat barak tan, maibe rejolusaun ne’e sira kria ba sira nia an rasik,” dehan Atanasio.

Nia hatutan, asaun loron rua ne’ebe mak liu ona, hanesan asaun pasifika maibe ba ohin loron sei halo asaun dinamika ou silensiu.

Sei laiha solusaun nafatin  mak sira  sei pronto atu aluga kareta no Ro hodi tula povu husi munisipiu 12 konsentra hotu iha Dili laran hodi kontra nafatin rejolusaun ne’ebe mak deputadu sira halo.

Nia akresenta tan, agora parte seguransa tau todan ba estudante mak sai hanesan autor principal halo rahun kareta estadu nian hamutuk 12 maibe nia husu atu parte seguransa hatudu faktus.

“Sira tau todan mai ami mak sai autor principal ba kaju sira horseikmaibe keta sira mak sai fali ator principal ba kaju hirak ne’e karik ,dehan fali ami, maibe sira akuja ami ne’e faktus laiha, ami mak bele akuja sira tanba sira mak autor principal,” dehan nia.

Tanba ne’e nia husu atu investigasaun tenke laoatu nune’e ema hotu bele hatene katak autor principal mak se los keta naran akuja ema inosente.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here