Home nasional Demo Kontra Lelaun Kareta PN, PNTL Tiru Gas Airmata

Demo Kontra Lelaun Kareta PN, PNTL Tiru Gas Airmata

932
0
SHARE
Estudante Universidade sira halo hela protesta hasoru PN hodi husu atu kansela lalais lelaun kareta Prado ne'ebe mak deputadu sira halo ba sira nia an rasik iha edifisiu UNTL no PN nia oin, photo TTN/Hortencio Sanches.

By: Ekipa Kobertura

THETIMOR-NEWS.com, DILI – Movimentu Estudante Universidade Timor – Leste (MEUTL) no publiku lamenta ho desizaun Parlamentu Nasional (PN) nian  ne’ebe hasai hodi   halo lelaun ba  kareta Prado hirak ne’ebe durante ne’e deputadu III lejislatura sira uja ho montante ne’ebe mak ki’ik, maibe kareta hirak ne’e barak mak kondisaun diak hela.

Tuir estudante hirak ne’e, lolos kareta hirak ne’e laos deputadu sira mak halo lelaun maibe tenke intrega ba iha parte Patrimoniu Estadu foin bele  halo lelaun.

Tanba ne’e, Segunda (21/08/2017) MEUTL  halo demostrasaun makas iha area kampus Universidade Nasional Timorlorosa’e nian hodi halo protesta no asaun to estudante barak mak sai vitima.

Nune’e manifestante sira mos tuda rahun kareta Estadu no privadu nian balun ne’ebe oras ne’e daudaun para hela iha edifisiu PNTL Caicoli Dili.

PNTL kaer hela estudante ne’ebe halo demostrasaun iha edifisiu PN oin ne’ebe monu tanba la tahan ho Gas Airmata nia is.

Hare ba situasaun iha area ne’eba lao oinseluk ona no halo  barullu Polisia Nasional (PNTL) Timor – Leste Munisipiu Dili foti desijaun hodi tiru  Gas Airmata hasoru estudante hirak ne’e, hanesan meius hodi hakalma situasaun iha area ne’ebe estudante  sira halo demostrasaun.

PNTL foti asaun ne’e, tanba bainhira estudante hirak ne’e hakilar ho lian makas no balun tuda husi kotuk rejulta membru PNTL tolu mak kanek kman.

Iha akontesimentu ne’e rejulta estudante barak maksai  vitima no monu kedan iha fatin  tanba la tahan ho Gas Airmata nia manas.

Estudante Universidade ne’ebe monu iha area UNTL tanba la tahan ho Gas Aimata nia is ne’ebe tiru husi PNTL, photo TTN/Hortencio Sanches.

Bainhira akontese vitima sira konsege hetan apoiu emerigensia kedan husi ambulansia Timor – Leste hodi lori kedan ba Ospital Nasional Guidu Valadares (ONGV) atu halo tratamentu.

Antes atu akontese asaun ne’e Ministru Interior Longuinos Monteiro no Komandante PNTL Munisipiu Dili  Pedro Belo no nia segundu komandante Euclides Belo tun direita mente kedan iha fatin hodi halo observasaun direitamente.

Editó: Hortencio SANCEHS I COPYRIGHT@2017

LEAVE A REPLY

Please enter your comment!
Please enter your name here