Home divertementu Turista 1900 Vizita Timor – Leste

Turista 1900 Vizita Timor – Leste

261
0
SHARE
Turista estranjeiru tun husi Ro iha Portu Dili, photo:TTN/Hortencio Sanches.

By: Hortencio SANCHES

THETIMOR-NEWS.com, DILI – Tuirista estranjeiru hamutuk 1900 ohin Sexta (18/08/2017) vizita Timor – Leste ho ro ahi Cruzeiro Pacific Eden husi Australia.

Tuir orariu Ró refere, to iha Dili 7:00 dadersan no sei fila iha 5:00 OTL durante loron ida nia laran, turista hirak ne’e maioria ferik no katuas.

Bainhira Turista hirak ne’e tun husi Ró mai iha raimaran sente haksolok, no simu kedan  husi Ministeriu Turismo Arte no Kultura (MTAK) iha portu Dili anima ho dansa kultura Timor – Leste nian husi Grupu Mamura.

Grupu dansa kultura Timor – Leste husi Mamura bainhira simu Turista sira tun husi Ro laran mai rai maran, photo:TTN/Hortencio Sanches.

Hafoin ne’e sira mos hakaa kedan ba iha area Largo Lesidere hodi hare sasan tradisional Timor – Leste nian ne’ebe fan iha ne’eba no hetan anima husi Grupu Banda Muzika Timoroan sira hahu husi  09:00 no remata iha 03:00 OTL.

Diretor Relasaun Internasional no Marketing MTAK Jose Dias Quintas esplika, Turista hirak ne’e mai Timor ho intensaun hakarak pasiar iha Dili laran balun mos ba pasiar iha munisipiu .

Estudante Turismu husi universidade DIT hatudu hela mapa ba Turista estrangeiru sira atu lao vizita iha kapital Dili,photo:TTN/Hortencio Sanches.

“Ohin Turista sira mai ne’e laos vizita iha Dili deit, maibe sira balun ba vizita mos iha Liquica no to Maubara,” dehan Diretor Jose.

Nia hatutan, Turista hirak ne’ebe mai maioria husi nasaun Australia no balun husi Nova Zelandia no nasaun seluk tan.

Editóra: Agida DOS SANTOS I COPYRIHT@2017

 

LEAVE A REPLY

Please enter your comment!
Please enter your name here