Home nasional Koligasaun Governu, FRETILIN Sei Loke Odamatan ba PD

Koligasaun Governu, FRETILIN Sei Loke Odamatan ba PD

1097
1
SHARE

By: Fidelio RAMOS

THETIMORNEWS.com DILI– Maski fiksu ona atu halo koligasaun ho Partidu Libertasaun Popular (PLP) ho Partidu Kmanek Haburas Unidade Nasional Timoroan (KHUNTO), Partidu FRETILIN ne’ebe sai mais votadu iha eleisaun parlamentar kontinua loke odamatan ba Partidu Democratico (PD) hodi hamutuk iha formasaun VII Governu Konstitusional.

Sekretariu Jeral Partidu FRETILIN, Mari Alkatiri hato’o lia fuan ne’e hafoin inkontru ho lider Partidu KHUNTO.

“FRETILIN koliga ona ho PLP, KHUNTO maibe odamatan ho janela agora sei nakloke ba sira seluk,”Dehan Mari Alkatiri, iha Hotel Novo Turismo, Kinta (17/08/2017).

Sekretariu Jeral FRETILIN ne’e afirma, aban (Sexta), PD sei enkontru tan ho FRETILIN iha fatin hanesan hodi kontinua koalia koligasaun ne’e.

 “Sira kolia dehan koliga ka la koliga ho ami tanba ami simu ona karta husi sira pronto no  hakarak  hasoru  hodi kolia ho ami iha loron aban,” nia dehan.

Nia sublinha, prezidenti republika Francisco Gutrres Lu-Olo iha loron segunda ka Terca agora hakarak simu ona mensajem atu nune’e bele hare hodi nomeia ona primeiru ministru.

Maski FRETILIN, PLP no KHUNTO konkorda ona koliga, maibe kona ba naranPrimeiru Ministru ba VII Governu KOnstitusional ne’e sedauk iha se los mak sei asumi kargu ne’e.

“Domingu desizaun final ona maka  segunda los foin maka atu anunsia iha parlamentu nasional hodi hatene  rezultadu ne’e,” dehan Alkatiri.

Editóra: Hortencio SANCHES I COPYRIGHT@2017

1 COMMENT

  1. Senhoras/e karik Partido Fretilin hanesan partido vensedor nis iha direitu hodi forma VII gov konst. Atu husu deit modelu governasaun ida agora nee..ita atu adopta modelu saida, Koligasaun ka grande inkluzivu? Tamba husi statenent Sr. Mari nian dhan sei loke odamatan ba Partido PD hodi hamutuk forma gov. Oinsa ho Partido CNRT? Obrgd.

LEAVE A REPLY

Please enter your comment!
Please enter your name here