Home nasional Domingu, KHUNTO Halo Dezisaun Final ba Koligasaun Ho FRETILIN

Domingu, KHUNTO Halo Dezisaun Final ba Koligasaun Ho FRETILIN

327
0
SHARE

By: Fidelio RAMOS

THETIMORNEWS.com DILI – Hafoin konkordansia ba koligasaun entre Partidu FRETILIN ho Partidu Libertasaun Popular (PLP) hetan ona konkordansia, Partidu Kmanek Haburas Unidade Nasional Timoroan (KHUNTO) ikus konkorda mos hodi hamutuk ho FRETILIN iha formasaun VII Govenru Konstitusional.

Konselleiru Superior Partidu KHUNTO, Jose dos Santos Nai-Mori hateten, sira nia partidu iha Domingu (20/08/2017) sei halo dezisaun final ba koligasaun ne’e.

“KHUNTO prontu halo koligasaun FRETILIN e depois iha Domingu agora ami hakotu ona desizaun final kona ba halo koligasaun ne’e,” dehan Nai-Mori ba jornalista hafin remata inkontru ho lideransa FRETILIN ne’ebe lidera hosi nia Sekretariu Jeral, iha Hotel Novu Turismo, Kinta (17/08/2017).

Kokordansia Partidu KHUNTO hodi tama iha koligasaun ne’e atu responde promesa electoral ne’ebe uluk hatoo iha kampana electoral nian.

Sekretariu Jeral FRETILIN Mari Alkatiri hatete, koligasaun FRETILIN, PLP, no KHUNTO signifika sai hanesan uma kain ida ona para atu forma ona VII governu konstituisional ne’e.

Entertantu nia mos kumpri nafatin ba povu sira ne’ebe fo ona fiar  hodi forma governu foun.

“Primeiru  partidu FRETILIN rasik ho povu hotu iha teritoriu fo ona fiar  mai hau e sira mos dehan mai hau  keta buka manan bo’ot maibe buka manan ki’ik deit para buka tan sira seluk hodi halo servisu hamutuk ne’e duni hau tenki kumri ona povu nia desizaun” nia dehan.

Editóra: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here