Home nasional ME-UNTL Husu Deputadu Foun Labele Sosa Tan Kareta

ME-UNTL Husu Deputadu Foun Labele Sosa Tan Kareta

292
0
SHARE

By: Fidelio RAMOS

THETIMORNEWS.com DILI– Movimentu Estudante Universidade Nasional Timor Lorosa’e (ME-UNTL) husu ba Konsellu Administrasaun Parlamentu Nasional (KAPN) labele sosa tan kareta foun ba deputadu sira tanba bele fo impaktu ladiak ba Orsamentu Geral Estadu (OGE).

Tanba ne’e, sira husu ba  (KAPN) tenke kansela lalais desijaun  ne’ebe, sira foti ona hodi fo lelaun ba kareta  65 ne’ebe mak durante ne’e deputadu tuan sira uja.

Tuir sira, lolos deputadu foun sira tama bele uja nafatin kareta tuan hirak ne’e, nune’e osan bele halo fali buat seluk kona ba dezenvolvimentu.

“Bazeia ba desizaun ne’ebe KAPN    foti hodi halo lelaun  ba kareta ne’ebe durante membru (PN)  65  uza, tenke kansela lalais nune’e  membru paralmentu  foun bele utiliza nafatin  deit, kareta sira ne’e maioria kondisaun diak hela,” dehan Portavoz ME-UNTL, Miguel Arkanjo Monis  iha konferensia imprensa ne’ebe hala’o iha kampus Induk UNTL Dili, Tersa (15/08/2017).

Ho rezolusaun ne’ebe ME-UNTL foti tanba konsidera hanesan produktivu no hanesan mos korupsaun ilegal  ida tanba membru deputadu 65 vota kontra  sira nia koinsiensia rasik.

“Rezolusaun ne’e hatudu vinzidus  membru Parlamentu Nasional (PN) hodi aprova ba sira nia an rasik, la reprezenta liu interese komun no rezolusaun ne’e, sei fo impaktu ba OGE  iha futuru,” dehan Portavoz ne’e.

Bainhira orgaun kompotente  la foti desizaun seriu ba  kestaun  ne’e mak sira sei kontinua nafatin to’o hetan solusaun  no moboliza  povu tomak atu halo manifestasaun  hasoru membru PN ba kestaun refere.

Hatan ba  kestau ne’e Sekretariu Jeral (KAPN) Mateus Ximenes Belo hatete, desizaun ne’ebe mak sira hasai ne’e normal tanba durante ne’e, legislatura sira liu ba ne’e tenki   hola kareta foun ba deputadu sira.

“Kada legislatura ida hola kareta foun tanba  kareta agora ne’e, ita hare balun kondisaun ladun diak ona, ne’e mak ita la presiza tan, sei kontinua uza nia dispeza ne’e bo’ot oitoan tanba ita hare iha liur ne’e sei foun maibe laran ne’e ladun diak  ne’e mak  ita tenki halo lelaun nune’e bele hatama reseita ba iha governu,” nia esplika.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here