Home nasional Governu Despedida ho PN

Governu Despedida ho PN

313
0
SHARE
Primeiru Ministru Rui Maria Araujo, photo google.

By: Xisto Almeida

Thetimornews.com, Dili – Governu liu husi Primeiru Ministru (PM) Rui Maria Araujo Segunda (14/08/2017) hasoru malu ho Prezidente Parlamentu Nasional (PN) hodi hato karta  despedida kona ba mandatu ikus VI Governu konstitusional nian.

“Ohin hau mai lori Governu nia naran hodi inkontru  ho Prezidente PN hodi koalia  kona ba servisu ne’ebe mak durante ne’e parte rua ne’e halo hamutuk ona, aproveita oportunidade ne’e hato mos ami nia karta despedida kona ba, ami nia mandatu ne’ebe remata  ona,”dehan PM Rui.

Iha sorumutu ne’e, Governu hato mos agradese ba PN tanba durante ne’e sira servisu hamutuk diak tebes, maske orgaun soberania keta-ketak maibe parte rua sempre kolabora malu.

“Maske parte rua ne’e orgaun soberania keta-ketak maibe ami sempre kolabora malu diak tebes hodi halo servisu iha tinan 2 hobalu nia laran, ita hatene dalabalun servisu iha diferente opiniaun maibe sempre iha nia solusaun,” dehan Xefe Governu ne’e.

Prezidente Parlamentu Nasional Aderito Hugo da Costa, photo Google.

Iha fatin hanesan Presidente PN, Aderito Hugo da Costa hateten, hasoru malu ne’ebe mak ohin Governu halo ho sira hanesan despidida Governu nian ba PN.

“Ohin PM mai hasoru malu ho hau hodi hato mos karta Despedida ida konaba sira nia mandatu durante tinan rua hobalun no  agaradese mos ba PN konaba parte rua nia servisu hamutuk durante ne’e,” dehan Prezidente PN.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here