Home nasional FRETILIN-CNRT Enkontru ho PR, Taka ba Publiku

FRETILIN-CNRT Enkontru ho PR, Taka ba Publiku

1010
0
SHARE

By: Ekipa Kobertura

THETIMOR-NEWS.com, DILI – Prezidenti Partidu  Congresso Nacional Reconstrução de Timor – Leste (CNRT), Kay Rala Xanana Gusmão akompana ho nia Sekretariu Jeral Francisco Kalbuadi Lay no Sekretariu Jeral Partidu FRETILIN, Mari Alkatiri ba dahuluk halo enkontru ho ho Prezidente Republika (PR), Francisco Guterres Lu-Olo iha Palasiu Prezidensial, Bairo Pite, Dili, Segunda (14/08/2017).

Enkontru PR Lu-Olo ho lider FRETILIN ho CNRT ne’e taka ba publiku no media labele tama ba area Palasiu Prezidensial nian hanesan kobertura bai-bain.

Maski taka ba publiku, enkontru ne’e iha relasaun ho formasaun VII Governu Konstitusional ne’ebe to’o oras ne’e sedauk iha lampu verde ba nia kriasaun.

Prezensa Prezidenti Partidu CNRT, Kay Rala Xanana Gusmao iha inkontru ne’e nu’udar inkontru dahuluk ne’ebe nia halo ho PR Lu-Olo ho Sekretariu Jeral FRETILIN, Mari Alkatiri desde anunsia rezultadu Eleisaun Parlamentar ne’ebe manan hosi Partidu FRETILIN.

Iha Konferensia Nasional Partiud CNRT ne’ebe halao iha 4 to’o 6 Agostu 2017, Partidu CNRT hato’o ona nia pozisaun sai opozisaun iha Parlamentu Nasional no sei la involve iha VII Governu Konstitusional.

Hare’e ba pozisaun Partidu CNRT Nian ne’e, hahu 9 to’o 12 Agostu 2017, Partidu FRETILIN konvida partidu PLP, PD ho KHUNTO nu’udar partidu ne’ebe hetan asentu iha Parlamentu Nasional hodi halo dialogu ba formasaun VII Governu Konstitusional.

Iha Eleisaun parlamentar 2017, Partidu FRETILIN hetan kadeira 23, tuir kedan CNRT (22), PLP (8), PD (7) no KHUNTO (5).

Tuir kalendariu, hafoin posse ba membru Parlamentu Nasional iha 21 Agostu, iha 22 Agostu kontinua kedan toma da posse ba Primeiru Ministru no membru governu VII Governu Konstitusional.

Editora: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here