Home nasional Alkatiri: Povu Lalika Duvida ba FRETILIN, Forma Governu

Alkatiri: Povu Lalika Duvida ba FRETILIN, Forma Governu

115
0
SHARE
Sekretariu Jeral FRETILIN Mari Alkatiri. Photo: Google.com

By: Fidelio RAMOS

THETIMOR-NEWS.com, DILI –  Sekretariu Jeral Partidu Frente Revolucionaria Timor – Leste Independencia (FRETILIN) Mari Alkatiri husu ba povu Timor – Leste hotu  labele hanoin barak kona ba formasaun VII Governu tanba FRETILIN oras ne’e daudaun sei buka  dalan.

Alkatiri hato lia hirak ne’e hodi hatan ba preokupasaun ne’ebe, oras ne’e daudaun publiku barak mak konfujaun no duvida kona ba  formasaun VII Governu iha tinan ida  ne’e.

“Hau husu ba povu Timor toamka labele duvida kona ba formasaun Governu tanba agora FRETILIN buka dala hela oinsa atu forma Governu,” dehan Mari Alkatiri ba Jornalista sira hafoin remata enkontru FRETILIN ho PLP iha Hotel Novo Turismo Dili, Kinta (10/08/2017).

Nia hatutan, agora daudaun FRETILIN buka solusaun hela hodi enkontru ho partidu seluk ne’ebe hetan asentu iha Parlamentu Nasional (PN) nune’e bele forma Governu.

Tanba partidu 5 deit mak hetan asentu iha PN, FRETLIN  hanesan partidu vensedor maibe  pursentu la to atu forma Governu. Nune’e FRETILIN buka dalan  ona hodi enkontru  ho partidu hat seluk hanesan, Partidu  Congreco Nacional Reconstrução Timor – Leste (CNRT) , Partidu Libertasaun Popular (PLP) Partidu Demokratiku (PD) no Kmanek Haburas Unidade Timoroan (KHUNTO).

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here