Home nasional KPK Fo Treinamentu ba Funsionariu CAC 24

KPK Fo Treinamentu ba Funsionariu CAC 24

305
0
SHARE
Funcionario CAC tuir hela treinamentu ne'ebe fo husi KPK Indonesia iha Hotel Timor Plaza Dili, photo TTN/Hortencio Sanches.

By: Hortencio SANCHES

THETIMOR-NEWS.com, DILI – Komisi Pemberantasan Korupsi  (KPK) Indonesia fo treinamentu ba funsionariu Comição Anti Corrupção (CAC) hamutuk  24  hodi bele hasa’e kualidade  servisu CAC nian iha area investigasaun.

Iha nia deskursu abertura ba treinamentu refere, Komisariu CAC, Aderito Tilman espera partisipante iha treinamentu ne’e bele hetan konesementu foun hosi treinador sira ne’ebe mai hosi KPK Indonezia.

“Espera iha treinamentu ne’e iha buat foun ne’ebe CAC bele aplika liu hosi treinamentu ne’e,” dehan Aderito Tilman, Segunda (07/08/2017), iha Hotel Timor Plaza, Dili.

Iha fatin hanesan Adjuntu Komisariu CAC, Rui Pereira dos Santos hatete, treinamentu ne’ebe mak realiza importante tebes ba instituisaun CAC liu-liu iha parte investigasaun hodi oinsa funsionariu sira bele gaña esperiensia husi  KPK sira.

“Treinamentu ida ne’e importante, liliu iha parte investigasaun nian kona ba oinsa halo investigasaun ba ema ne’ebe mak halo korupsaun,” dehan Rui Pereira ba Jornalista sira.

Tuir nia, CAC Timor – Leste presiza aprende barak husi KPK Indonezia atu nune’e bele implementa iha Timor – Leste.

“Ita nian kbit la to hanesan KPK sira nian, tanba iha Timor – Leste komesa husi CAC hari seidauk kaer ema  ho osan iha mala ka kaisa hanesan KPK sira kaer iha Indonesia,” dehan Rui Pereira.

Tanba ne’e nia husu ba funsionariu sira tenke aproveita didiak oportunidade ne’ebe  agora iha, atu nune’e iha futuru CAC timor mos bele kaer ema korupsaun sira hanesan mos KPK  kaer iha Indonesia.

Treinamentu ne’e halao iha Timor Plaza (TP) Dili durante loron 5 nia laran hahu 7 Agostu to’o 11 Agostu, fiar katak  treinamentu refere bele haklean liu tan funsionariu sira nia konesimentu.

 Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here