Home dezenvolvimentu Japaun Apoiu 20 Miliaun, Rehabilita Portu Pasajeiru Dili

Japaun Apoiu 20 Miliaun, Rehabilita Portu Pasajeiru Dili

76
0
SHARE
Portu Dili Photo. Google.

By: Fidelio RAMOS

THETIMOR-NEWS.com, DILI – Governu Japaun ho inisiativa apoiu 20 miliaun ba Governu Timor – Leste hodi halo rehabilita ba Portu Pasajeiru Dili ne’ebe  oras ne’e daudaun kondisaun ladun sufisiente.

Tan ne’e, Tersa (07/08/2017) Governu Timor – Leste liu hosi Minsteriu Obras Publiku (Mop) hamutuk ho reprejentante Governu Japaun nian iha Timor liu husi Embaixador Eji Yamamoto, tau ona fatuk dahuluk ba projetu realokasaun Portu Pasajeiru refere.

Iha serimonia ne’e, Primeiru Ministru (PM) Rui Maria Arauju  lori VI Governu nia naran fo agradese no kongratula ba Governu Japaun ne’ebe laran luak hodi ajuda ona Timor – Leste nia prosesu dezenvolvimentu.

“Hanesan Xefe Governu hato agradese ba Governu Japaun ne’ebe durante tinan 15 nia laran apoiu Timor – Leste nia prosesu dezenvolvimentu,” dehan PM Rui ba Jornalista sira hafoin partisipa iha loron dahuluk halorehabilitasaun Ferry Terminal Dili, Tersa (07/08/2017).

Infraestrutura maritime sai nudar aspeitu importante ba dezenvolvimentu Timor – Leste nian hodi fo venefisiu ba povu tomak.

Nune’e mos, Vise Ministru (MOP) Inacio Freitas Morreira hatete, durante tinan 10 nia laran Governu Timor – Leste sempre hetan kritika barak husi povu kona ba kondisaun kondisaun iha Portu Pasajeiru Dili ne’ebe mak at.

“Durante tinan barak nia laran ita nia povu sira halo kritika be-beik Governu kona ba ita nia kondisaun portu iha Dili, entaun ohin ita konsege hatur ona fatuk dahuluk hodi halo rehabilitasaun hodi transforma fatin ne’e sai furak no  diak ba ita nia povu,” dehan Inacio Morreira.

Bainhira atu halo rehabilitasaun ba portu pasajeiru refere, antes ne’e Governu Timor – Leste liu husi MOP iha tinan 2013 submete proposta id aba Governu Japan liu husi JICA iha Timor – Leste hodi halo analiza tekniku ba kondisaun iha portu dili.

Rehabilitasaun konstrusaun ne’e, kompostu husi  klase ekonomia VIP no fatin ba difisiente no seluk tan. Konstrusaun rehabilitasaun ne’e sei finaliza iha fulan Marsu 2019.

Servisu konstrusaun sei kaer husi Tobisima Corporation ho supervizaun husi Ides Inc  ho Japan port Consultants Ltd.

Portu pasazeiru ne’e, sei hari ho naruk metro 100 no luan metro 20 ne’ebe bele komoda ró rua durante oras 24 nia laran.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here