Home nasional CNRT Deside Sai Opozisaun

CNRT Deside Sai Opozisaun

1124
0
SHARE
Prezidente CNRT Kay Rala Xanana Gusmao sai foto hamutuk ho estrutura partidu husi nasional no munisipiu hafoin remata konferensia durante loron 3 iha CCD, Photo/ TTN Berlelo.

By: Fidelio RAMOS

THETIMOR-NEWS.com DILI – Resposta Partidu Congresso Nacional de Reconstrução Timor – Leste (CNRT) ba pozisaun nia partidu klaru ona katak, partidu ne’ebe lidera hosi Kay Rala Xanana Gusmão ne’e hili ona dalan sai opozisaun iha Parlamentu Nasional durante period 2017-2022.

Dezisaun ne’e Partidu CNRT foti ho votos aklamasaun hafoin remata konferensia nasional Partidu CNRT nian durante loron 3 iha Centro Convenção Dili (CCD).

“Partidu CNRT  hatur-an nu’udar  opozisaun iha Parlamentu Nasional ba IV Legislatura periodu 2017-2022,” Prezidenti CDN-CNRT, Dionisio Babo Soares ba Jornalista sira iha konferensia imprensa, Domingu (06/08/2017), iha CCD.

Ho dezisaun ba opozisaun, signifika katak Partidu CNRT sei la koliga ruma ho partidu seluk hodi involve iha formasaun VII Governu Konstitusional ne’e.

Iha Konferensia nacional refere  konsidera mos rezultadu Eleisaun Parlamentar 2017, tuir desizaun tribunal rekursu nian, hosi Partidu CNRT  sai nu’udar segundu partidu mais votadu ho total votus 167. 345 (29. 5%).

Dezisaun ne’e asina  husi  prezidenti meza Francisco Kalbuadi Lay, prezidenti CDN, vice prezidenti partidu CNRT Virgilio Simith, Maria Rosa da Camara, Tomas Cabral, no Francisco da Costa Ikulai.

Iha Eleisaun Parlamentar 2017, Partidu CNRT hetan det kadeira 22. Partidu FRETILIN ne’ebe sai partidu mais votadu hetan kadeira 23. Entertantu Partido Libertasaun Popular (PLP), partidu foun ne’ebe lidera hosi eis Prezidenti Republika, Taur Matan Ruak hetan kadeira 8, no Partido Democratico (PD) ne’ebe dadauk ne’e xefia hosi Mariano Assanami Sabino hetan kadeira 7 no ikus Partidu KHUNTO halo supreza iha nia partisipasaun iha leeisaun parlamentar daruak desde 2012, iha tinan 2017 hetan kadeira 5.

Hosi estatementu Sekretariu Jeral Partidu FRETILIN, Mari Alkatiri ba publiku, hato’o ona pozisaun partidu istoriku ne’e hakarak hamutuk det ho partidu CNRT hodi forma VII Governu Konstitusional.

Desde kaer nia soberanu rasik, Timor-Leste hamutuk iha ona governu dala hitu (konta ho agora ne’e). Governu dahuluk forma ho dala tolu hahu tinan 2002-2007. Governasaun ne’e ukun hosi Partidu FRETILIN ne’ebe iha Primeiru Governu Konstitusional lidera hosi Primeiru Ministru Mari ALkatiri ne’ebe ukun det to’o tinan 4, hafoin ejijensia povu Timor-Leste hosi nia tuun hosi governasaun. Hafoin rezigna an hosi kargu Primeiru Ministru, Ramos Horta neebe momentu ne’eba kaer kargu Ministru Negosiu Estranjeiru kontinua kaer pasta primeiru ministru no iha III Governu Konstitusional iha fulan ida ho balun det, Estanislau da Silva asumi fali kargu primeiru ministru.

Tama iha eleisaun parlamentar tinan 2007-2012, maski manan maioria Partidu FRETILIN lakon votos iha Parlamentu Nasional hodi simu governasaun ukun hosi Partidu CNRT ho nia aliansi parlamentar ho Partidu Democratico (PD), ASDT no PSD. IV Governu Konstitusional ne’ebe famous ho naran Governu AMP (Aliansi Maioria Parlamentar) xefia hosi Kay Rala Xanana Gusmão nudar nia primeiru ministru.

Iha tinan 2012-2017, Partidu CNRT sai partidu mais votadu ho kadeira 30 no kontinua bolu Partidu Democratico no Frente Mudanca hodi forma V Governu Konstitusional. Kay Rala Xanana Gusmão kontinua lidera nudar primeiru ministru to’o tinan 2015 rezigna an hosi nia kargu hodi kontinua hosi Rui Maria de Araujo nudar primeiru ministru ba VI Governu Konstitusional.

Editóra: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here