Home dezenvolvimentu CNRT Kaer “Xavi” Formasaun VII Governu Konstitusional

CNRT Kaer “Xavi” Formasaun VII Governu Konstitusional

1807
0
SHARE
Prezidente Partidu CNRT,Kay Rala Xanana Gusmao halo komprimisia politiku iha kampaina Elisaun Parlmentar durante fulan jullu 2017, Photo media/CNRT.

By: Fidelio RAMOS

THETIMOR-NEWS.com,  DILI – Partidu Congresso Nacional de Recontrução Timor-Leste (CNRT) maski sai partidu segundu mais votadu, partidu CNRT mak kaer duni “xavi” ba formasaun VII Governu Konstitusional.

Tamba ne’e, atu desidi xavi ba formasaun VII Governu Konstitusional, Partdiu CNRT, Sexta (04/08/2017) ohin iha Centro Convenção Dili realiza konferensia nasional ho nia estrutura nasional no munisipiu tomak hodi desidi pozisaun partidu ne’ebe lidera hosi Kay Rala Xanana Gusmão ne’e.

“Konferensia nasional aban (ohin, red.) Partidu CNRT sei desidi kaer governu ou ba opozisaun,” dehan Sekretariu Jeral Partidu CNRT, Francisco Kalbuadi Lay ba jornalista sira hafoin hasoru malu ho Prezidenti Republika, Francisco Guterres Lu-Olo, Kinta (03/08/2017), iha Palacio Prezidensial Dili.

 

Prezidente Partidu CNRT,Kay Rala Xanana Gusmao halo komprimisia politiku iha kampaina Elisaun Parlmentar durante fulan jullu 2017, Photo media/CNRT.

Iha Eleisaun Parlamentar 2017, Partidu CNRT hetan det kadeira 22. Partidu FRETILIN ne’ebe sai partidu mais votadu hetan kadeira 23. Entertantu Partido Libertasaun Popular (PLP), partidu foun ne’ebe lidera hosi eis Prezidenti Republika, Taur Matan Ruak hetan kadeira 8, no Partido Democratico (PD) ne’ebe dadauk ne’e xefia hosi Mariano Assanami Sabino hetan kadeira 7 no ikus Partidu KHUNTO halo supreza iha nia partisipasaun iha leeisaun parlamentar daruak desde 2012, iha tinan 2017 hetan kadeira 5.

Hosi estatementu Sekretariu Jeral Partidu FRETILIN, Mari Alkatiri ba publiku, hato’o ona pozisaun partidu istoriku ne’e hakarak hamutuk det ho partidu CNRT hodi forma VII Governu Konstitusional.

Desde kaer nia soberanu rasik, Timor-Leste hamutuk iha ona governu dala hitu (konta ho agora ne’e). Governu dahuluk forma ho dala tolu hahu tinan 2002-2007. Governasaun ne’e ukun hosi Partidu FRETILIN ne’ebe iha Primeiru Governu Konstitusional lidera hosi Primeiru Ministru Mari ALkatiri ne’ebe ukun det to’o tinan 4, hafoin ejijensia povu Timor-Leste hosi nia tuun hosi governasaun. Hafoin rezigna an hosi kargu Primeiru Ministru, Ramos Horta neebe momentu ne’eba kaer kargu Ministru Negosiu Estranjeiru kontinua kaer pasta primeiru ministru no iha III Governu Konstitusional iha fulan ida ho balun det, Estanislau da Silva asumi fali kargu primeiru ministru.

Tama iha eleisaun parlamentar tinan 2007-2012, maski manan maioria Partidu FRETILIN lakon votos iha Parlamentu Nasional hodi simu governasaun ukun hosi Partidu CNRT ho nia aliansi parlamentar ho Partidu Democratico (PD), ASDT no PSD. IV Governu Konstitusional ne’ebe famous ho naran Governu AMP (Aliansi Maioria Parlamentar) xefia hosi Kay Rala Xanana Gusmão nudar nia primeiru ministru.

Iha tinan 2012-2017, Partidu CNRT sai partidu mais votadu ho kadeira 30 no kontinua bolu Partidu Democratico no Frente Mudanca hodi forma V Governu Konstitusional. Kay Rala Xanana Gusmão kontinua lidera nudar primeiru ministru to’o tinan 2015 rezigna an hosi nia kargu hodi kontinua hosi Rui Maria de Araujo nudar primeiru ministru ba VI Governu Konstitusional.

Prezidente CNRT Kay Rala Xanana Gusmao hato hela komisio Politiku ba militante sira iha mini kampaina ne’ebe halao iha Postu Administrativu Dom Alexo Autoridade Munisipiu Dili: Photo/Media CNRT

Partidu CNRT hari’i iha Abril 2007 nudar partidu foun hodi lori hikas estabilidade ba krizi nasional ne’ebe mosu iha 2006. Partidu CNRT mos uniku partidu ne’ebe iha ona esperensia kaer ou lidera governu durante tinan 10 resin. Prestasaun ne’ebe Partidu CNRT iha nia governasaun maka hari’i ona infraestrutura bazika ba nesesidade dezemvolvimentu no lori duni progressu iha setor oi-oin.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here