Home dezenvolvimentu Alkatiri: Ita Labele Ansi Atu Forma Governu Tanba Kadeira

Alkatiri: Ita Labele Ansi Atu Forma Governu Tanba Kadeira

1159
0
SHARE
Sekretariu Jeral FRETILIN Mari Alkatiri. Photo: Google.com

By: Fidelio RAMOS

THETIMORNEWS.com, DILI-“Hau hanoin ita labele ansi atu forma Governu ne’e  tanba deit kadeira, maibe ita tenke lao ne’eneik hodi forma Governu ida ne’ebe diak atu hare ba povu nia nesisidade,”

Lia hirak ne’e hato husi Sekretariu Jeral partidu, Frente Revolusionaria Timor – Leste Independensia FRETILIN Mari Alkatiri hafoin remata enkontru ho  Prezidente da Republika Fransisco Guterres Lu-Olo iha palasiu Bairu Pite, Kinta (03/08).

Tanba ne’e, FRETILIN nia Politika hakarak hakuak no halibur ema hotu maske diferensa partidu, maibe hamutuk mak bele lori nasaun ne’e ba oin.

Eis Primeiru Ministru ne’e informa,  tuir estatutu Partidu, nia mak lidera Governu ba dala hitu ne’e, maibe nia hakarak  mantein no servi deit fatin ida hodi dezenvolve povu  Timor – Leste atu sai buras liu iha futuru.

“Ha’u hatete dalabarak ona hau hakrak  hare ba fatin ida deit hakarak servi ba povu iha teritoriu laran tomak,” dehan Alkatiri.

To  oras ne’e dadaun FRETILIN  seidauk  halo kontaktu ho  partidu  seluk liu-liu prezidente partidu Congresu Nacional Reconstrucao Timor – Leste (CNRT) Kay Rala  Xanana Gusmao  nune’e bele forma governu foun.

“Ami rua Irmao Xanana seidauk kontaktu malu maibe hanoin ami nain rua nian hanesan deit atu lori Timor ne’e ba diak,” dehan nia.

Tuir nia Timor – Leste presiza Governu ida ne’ebe nakloke nune’e bele konsulta ho parte hotu liu-liu  relijioza no sosiedade sivil sira.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here