Home divertementu Lere: Timoroan Hotu Tenke Fó Konfiansa ba Xanana

Lere: Timoroan Hotu Tenke Fó Konfiansa ba Xanana

7591
2
SHARE
Xefi Estadu Maior das forsa armada F-FDTL, Maijor General Lere Anan Timur.

 By: Hortencio SANCHES

THETIMOR-NEWS.com, DILI – Xefi Estadu Maior das Forsas Armadas F-FDTL, Maijór Jenerál Lere Anan Timur hatete, Timoroan hotu tenke fo konfiansa ba lider tuan sira hanesan, Kay Rala Xanana Gusmão tanba nia mak uluk dirije funu iha ai-laran to ohin loro Timor – Leste hetan ukun rasik an.

“Ita tenke fo fiar nafatin ba maun bo’ot Xanana tanba nia mak uluk dirije funu iha ai-laran to ohin loron ita ukun an, hau hanoin nia agora dirije hela ita nia destinu nasaun nian atu  povu ne’e moris hakmatek,” dehan Lere hafoin  enkontru ho Prezidente Republika Fransisco  Guterres Lu-Olo iha Palasiu Bairu Pite Dili, Quarta (02/08).

Eis Guirileru ne’e esplika, hahu husi  1975 to ohin loron Xanana hanesan aman ba nasaun  Timor- Leste ne’e duni nia husu ba hotu-hotu tenke fo konsidera no labele  nega nia esforsu sira  durante ne’e.

Eis Primeiru Ministru Kay Rala Xanana Gusmao husi liman los no Xefi Estadu Maior F-FDTL Maijor Jeneral Lere Anan Timur husi liman karuk.

“Desde 75 to  agora nia mak aman nasaun nian, ne’e duni ita tenke fiar no konsidera labele nega nia esforsu, hanesan politiku ki’ikoan sira ne’ebe koalia dalaruma trata ita nia lider sira la hanoin ne’e labele,” dehan Lere.

Maske Timor – Leste agora matenek barak maibe tenke iha hanoin katak, lideransa tuan sira nia sakrifisiu mak ohin loron ema hotu goja independensia ne’e.

“Ita labele dehan oras ne’e, ita S1,S2,S3 to S5 ona ne’ebe ita  mak matenek liu ona lider tuan sira  hanesan Xanana  lae. Ne’e lalos,” dehan ema numeru ida iha instituisaun F-FDTL ne’e.

Nia hatutan, Timor – Leste nasaun ida ne’ebe mak demokrasia maibe, labele uja demokrasia hodi trata at ema seluk tuir nia hakarak.

“Demokrasia hanorin ita atu respeita ema seluk, laos demokrasia hodi haruka fali ita  atu ba insult aka hatete at ema seluk ne’e lalos,” Lere dehan.

Iha biban ne’e, nia husu mos ba lideransa tuan sira hotu tenke tur hamutuk atu nune’e bele eduka lider foun sira hodi bele hatene hadomi malu no respeita maluhodi lori  nasaun ne’e ba oin.

Editóra: Agida DOS SANTOS I COPYRIGHT@2017

2 COMMENTS

  1. Respeita malu importante labele trata malu no insulta malu. Lidera rai ne tenki fuan bot hodi dezemvolve rai ne ba oin. Obrigado ba komentariu nebe hakarak dezemvolve

  2. Hau hanoin maun lere hateten mak los ita jerasaun foun nomos sidadaun tengki respeito malu liu liu ita nian maun sira nebe lori ita ba iha indepedensi .Agora ita hotu tengki respeitu ba veteranus hotu aktivo no agora dadaun reforma tamba sira nian prisipiu no dedika an funu iha ambisaun luta ba indepedensia maka ohin loron ita iha faze tranformasaun ba globalizasaun .hotu tengki kuda nasionalimu no patriotismu iha ita nian fuan hodi hari no serve ita nian rain familia tomak .Ita rain agora persiza avansa dezenvovimento hanesan rai seluk

LEAVE A REPLY

Please enter your comment!
Please enter your name here