Home edukasaun Julio Hornay: Oho Malu Iha Laga Laos Militante Parpol

Julio Hornay: Oho Malu Iha Laga Laos Militante Parpol

1079
0
SHARE
Komisariu Julio Hornay.

By: Hortencio SANCHES

THETIMOR-NEWS.com, DILI – Komandante Jeral Polisia Nasional Timor – Leste (PNTL) Julio da Costa Hornay informa, akontisimentu iha Postu  Administrativu Laga Munisipiu Baucau rejulta Joven ida mate no seluk kanek todan laos mai husi Militante Partidus Politiku (Parpol) maibe eskolaoan ho  eskolaoa mak oho malu tanba haksesuk malu.

“Konfrontu ne’ebe akontese iha Laga ne’e, eskolaoan husi, eskola sekundariu Tekinomata nian maka deskute malu no tuda malu entaun nain rua kanek todan ida fali la konsege salva iha ospital Baucau, entaun  mate ne’e dini dehan fali Parpol mak oho malu ne’e lalos,” dehan Komisariu Julio ba Jornalista hafoin remata enkontru ho Prezidente Republika Francisco Guterres Lu-Olo iha palasiu Bairu Pite  Dili, Kuarta (02/08).

Tanba ne’e nia apela ba  publiku  hotu  atu labele trauma ho situasaun ne’e tanba PNTL no F-FDTL halo seguransa hela iha fatin ne’eba.

Nia esplika, Timor – Leste hahu husi kampaina to iha Eleisaun remata laiha konflitus ne’ebe bo’ot

“Timor ne’e durante kampaina mai to iha eleisaun laiha problema, agora remata tiha ona mak dehan fali partidu tuku malu ne’e la lojika ne’e, tanba ne’e mak hau atu hatete bapubliku katak iha ne’eba ne’e problema entre joven estudante laos Parpol no Artemarsias,” dehan Komisariu ne’e.

Nia hatutan, Informasaun ne’ebe  fo  sai husi Staf Organijasaun Nasoes Unidas (ONU) nian iha Timor – Leste ne’e lalos.

“Informasaun ne’ebe mak Staf ONU nian katak nia simu SMS katak militante Parpol FRETILIN no KHUNTO nian mak halo konflitus ne’e laolos,” nia dehan.

Nia haktuir,  situasaun agora daudaun iha area ne’eba lao kontroladu hahu husi 30 Jullu konflitus ne’e akontese PNTL husi unidade Taksfore, Batalaun Orden  Publiku (BOP) no Polisia Militar (PM) hakalma kedas situasaun to oras ne’e.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here