Home nasional TR Legaliza Ona Rejultadu Elpar

TR Legaliza Ona Rejultadu Elpar

283
0
SHARE

BY: Hortencio SANCHES

THETIMOR-NEWS.com, DILI – Tribunal Rekursu (TR), liu husi Prezidente Deolindo dos Santos Tersa (01/08/2017) legaliza ona rejultadu  Eleisaun Parlamentar (Elpar) no Partidus Politiku (Parpol) 5 mak konsege ultrapasa bareira 4 % hodi hetan asentu iha Parlamentu Nasional(PN).

Baihira TR halo legaliza, antes ne’e iha oras 72 nia laran halo verefikasaun provijoriu  ne’ebe aprezenta husi Komisaun Nasional  Elisoes (CNE) iha sabadu foin lalais ne’e  katak laiha iregularidade.

Rejultadu ne’ebe fo sai husi TR partidu BUP hetan votus  4.999 (0,9%) APMT 4.461 (1,0%) KHUNTO 36.547 (6,4%) PEP 6.775 (1,2%) PST 4.891 (0,9%) PDP 2.079 (0,4%) CNRT 167.345 (29,5%) PR 3.951 (0,7%) UDT 11.255 (2,0%) PDC 1.76 (0,3%) MLPM 1.332 (0,2%) PLP 60.098 (10,6%) PD55.608(9,8%) UNDERTIM 1.216 (0,2%) PUDD 15.887 (2,8%)  PTD669 (0,1%) FM 8. 849 (1,6%) PSD 4. 688 (0,8%) CASDT 2.330 (0,4%) PDN 3.846 (0,7%) no FRTILIN 168.480 (29,7%).

Iha rejultadu refere, Partidu FRETILIN hetan 23 kadeira, CNRT 22 kadeira, PLP 8 kadeira, PD 7 kadeira no  KUNTO 5 kadeira.

Elitores ne’ebe rezistu ba tuir Elpar hamutuk 760.907, relasiona ho total ne’e eleitores ne’ebe partisipa iha Elpar hodi fo sira nia votus hamutuk 583.956. No iha rejultadu ikus ne’ebe TR anunsiu sai  Votus validante expressos hamutuk 568.070 ho pursentu 97,28, votus  branco hamutuk  4.097 ho pursentu 0,70 no Votus nulu 11.711 ho pursentu 2,01.

Maske partidu hirak ne’e hetan asentu iha PN maibe laiha ida mak manan maioria hodi forma  Governu, ne’e duni iha tempu badak Parpol 5 ne’ebe hetan asentu iha PN  balun tenke halo koligasaun atu nune’e bele  forma Governu.

Tanba ne’e, FRETILIN hanesan partidu ida ne’ebe sai primeiru lugar iha Elpar ne’ebe liu, deside ona katak sei halo koligasaun ho CNRT tuir komprimisiu ne’ebe mak fo  sai durante halo kampaina.

Tuir  Adjuntu Sekretariu Jeral FRETILI Jose Reis informa CNRT hanesan partidu ida ne’ebe  FRETILIN  define sai hanesan aliadu iha tempu kampaina ne’e duni sira sei  bolu hodi forma Governu iha periudu 2017-2022.

 “Hau hanoin Timoroan hotu hatene katak, aliadu ne’ebe FRETILIN define iha kampaina ne’e mak CNRT maibe depois de formaliza tiha ne’e FRETILIN sei kontaktu mos ho Parpol sira hotu,” dehan Jose Reis.

Editóra: Agida DOS SANTOS I COPYRIGHT@2017

 

LEAVE A REPLY

Please enter your comment!
Please enter your name here