Home nasional PLP Deside Sai Opozisaun Iha PN Durante Tinan 5

PLP Deside Sai Opozisaun Iha PN Durante Tinan 5

1662
0
SHARE

By: Hortencio SANCHES

THETIMOR-NEWS.com, DILI – Tuir rejultadu ikus Elisaun Parlamentar (Elpar) ne’ebe  Tribunal Rekursu legaliza ona Partidu PLP hetan kadeira 8 iha Parlamentu Nasional (PN) maibe partidu refere lakoi halo koligasaun ho partidu mais votadus sira hanesan FRETILIN no CNRT hodi kaer Governu no deside ona katak sai Opozisaun ne’ebe forte durante tinan 5.

Vise Prezidente PLP Fidelis Magalhaes hatete, PLP laos partidu ida ne’ebe halo politika ba kadeira maibe, PLP halo politika ne’ebe foun atu lori mudansa ba povu Timor – Leste.

“PLP la preokupa ho distribuisaun kadeira hodi ukun, maibe PLP hakarak halo mudansa ba povu nia moris,” dehan Fidelis  iha TR Caicoli Dili, Tersa (01/08/2017).

Iha biban ne’e nia lori PLPnia naran   hato parabens ba partidu sira ne’ebe manana mais votadus iha Elpar ne’e atu servisu diak ba Povu Timor – Leste.

 Maibe ba Partidu sira ne’ebe la hetan asentu iha PN, PLP  oda matan nakloke nafatin ba sira atu nune’e bele servisu hamutuk no  rona nafatin opiniaun hodi dezenvolve rai ida ne’e ba oin diak liu tan.

“PLP nia odamatan nakloke atu servisu hamutuk ho Timoroan hotu atu halo politiku ida ne’ebe ema hotu tenke iha oportunidade hanesan  no moris diak ba ema hotu,” dehan Fidelis.

Editóra: Agida DOS SANTOS I COPYRIGHT@2017

LEAVE A REPLY

Please enter your comment!
Please enter your name here