Home divertementu Telemor Lansa Ona Internet 4G

Telemor Lansa Ona Internet 4G

113
0
SHARE

By:Fidelio RAMOS

 THETIMORNEWS.com DILI– Sabadu (29/07/2017),  kompania Telemor lansa ona internet 4G  dahuluk iha Timor-Leste ho nia prosesu ne’ebe diak  no  lais liu.

Atu serimonia  lansamentu ne’e lao diak kompania telemor tau fiar no konfiansa ba kompainia  local  ne’ebe jere husi Timoroan   Macar Pro hodi realiza eventu refere.

“Ami hetan fiar husi telemor hodi realiza eventu ne’e, e hetan antuziazmu makas   husi estudante São Miguel hodi  pauai ho dram band husi zita plaza tama to’o Largo Lecider  hodi hatudu katak Telemor lansa ona internet 4G primeiru iha Timor-Leste”dehan diretora Macar Pro  Carla Gonçalves ba Jornalista sira iha Largo Lecidere, Sabadu (29/07/2017).

Iha eventu ne’e   Artista husu rai laran no rai liur mak halo konsertu, Timoroan  hanesan, Fitun Furak  Abitu Gama, Cidalia, Toni Perreira, Lola Cancio Gerson Oliveira,  noMario Klau husi Indonesia.

Iha fatin hanesan Artista Timoroan  ToniPereira hatete, sentimentu kontenti  tebes bainhira kompania telemor ho Macar  konvida ona sira mai halo konsertu hodi hametin tan sira nia kareira artista nian iha mundu muzika.

Tanba ne’e nia husu ba artista foun sira, labele tur nonok  deit iha fatin maibe tenke hakat   ba oin beibeik atu nune’e talent ne’ebe sira iha labele mate.

“Hau senti haksolok tanba tanba kompania rua fiar nafatin hau no kolega sira seluk, tanba ne’e hau husu ba artista foun hanesan Lola,Marvi, no Gerson keta para iha fatin tenki kontinua nafatin ba oin”dehan nia.

Sorin seluk artista Cidalia Gonçalves  senti kontenti tanba telemor bolu ona nia mai partisipa.

“Eventu kapas los tanba telemor bolu ona hau mai halo kanta, ida ne’e orgulu bo’ot, tnba ami bele hamutuk ho artista rai liur hodi halo  rame eventu ne’e hanesan  Mario Klau ne’ebe mos partisipa iha eventu refere” dehan Cidalia.

Iha biban ne’e nia husu ba artista Timoroan hotu atu hamutuk nafatin hodi fo oportunidade ba malu atu promove muzika Timor – Leste sai modern liu tan.

Editór: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here