Home internasional Elpar Hahu Prosesu Kontajen

Elpar Hahu Prosesu Kontajen

300
0
SHARE

By: Fidelio RAMOS

THETIMORNEWS.com, DILI- Eleisaun Parlamentar (Elpar) ne’ebe halao  ohin  dader iha teritoria Timor laran no nasaun 4 iha rai liur  balun  agora daudaun tama ona ba prosesu kontajen atu nune’e bele hakat ba apuramentu municipal no haruka mai Dili hodi hatene rejultadu  provijoriu iha orasida kalan.

Tanba ne’e Diretor Jeral Sekretariadu  Tekniku Administrasaun Eleitoral STAE Acilino Mauel Branco  informa, loron ida tomak hahu husi dader to  loraik Povu Timor – Leste tomak ba tuir Elpar laiha konflitus ruma no situasaun lao kontroladu.

“Prosesu votasaun to’o remata  la’o kontroladu tanba iha partisipasaun maximu husi eleitores sira no hetan seguransa diak husi polisia to’o hotu polisia  la rejistu kazu ruma ” dehan Acilino  iha sede STAE  Sabadu (22/07/2017).

Acilino afirma,  informasaun ne’ebe STAE asesu iha Munisipiu  12 inklui rejiaun admintrativu espesial Oekuse Ambeno RAEOA remata ona  inklui Iha rai liur hanesan Melbourne Darwin, Sidney, no korea.

Nia hatutan kona ba nasaun rua seluk iha Europa hanesan Portugal no Inglatera seidauk remata tanba sira nia oras diferente tebes ho oras Timor – Leste.

“Nasaun rua  seluk hanesan Portugal no Inglatera tanba sira nia oras lahanesan ho ita nian entaun sira nian agora foin mak komesa, tanba iha ne’eba foin mak dader fiar  katak sira nian mos sei lao ho diak,” dehan nia.

Editora: Hortencio SANCHES COPYRIGHT@2017

LEAVE A REPLY

Please enter your comment!
Please enter your name here