Home nasional Komandu Jeral PNTL, Koloka Membru 3.849 Apoiu Seguransa Elpar

Komandu Jeral PNTL, Koloka Membru 3.849 Apoiu Seguransa Elpar

530
0
SHARE
PNTL prontu ona fo segurasa ba povu Timor-Leste hdi partisipa iha festa demokrasia parlamentar nian ne'e. Photo: PNTL

By: Hortencio SANCHES

THETIMOR-NEWS.com, DILI – Komandu Jeral, Polisia Nasional Timor – Leste (PNTL) kinta (20/07/2017) koloka ona membru hamutuk 3.849 hodi fo apoiu seguransa Elisaun Parlamentar (Elpar) ne’ebe sei halao iha teritoria Timor – Leste 22 Jullu agora.

Iha kolokasaun ne’e segundu komandante PNTL komisariu Faustino da Costa husu ba membru sira hotu tenke simu orden ho disiplina atu asegura Elpar ne’e lao ho susesu.

“Durante fulan ida nia laran kampaina ita fo seguransa situasaun lao kalma, tansa semana ida nia laran ita labele asegura Elpar ne’e lao diak, ne’e duni membru sira ne’ebe mak agora atu sai ba munisipiu sira tenke simu orden ho disiplina no responsabilidade,” dehan Komisariu Faustino ba Jornalista iha kuartel jeral Caicoli Dili, hafoin remata parada ba membru sira atu arabka ba Munisipiu.

Nia hatutan, halo deslokasaun membru PNTL ba munisipiu razaun tanba, rekursu umanu iha munisipiu la sufisiente tan ne’e, komandante munisipiu husu apoiu rekursu husi komandu jeral.

Membru hirak ne’ebe aranka ba munisipiu kompostu husi, Unidade Patroliamentu Maritima UPM, Unidade Patroliamentu Fronteira UPF, Unidade Espesial UE, Taskfore no Sentru Formasaun Polisia Akademika.

Komisariu Faustino informa, durante tempu kampaina iha insidente ki’ik balun maibe parte seguransa konsege rejolve ho diak no fatin balun iha ona porosesu investigasaun.

Hare ba povu Timor – Leste tama ona iha demokrasia ida ne’ebe masimu komisariu ne’e, lori PNTL nia naran hodi fo obrigadu no parabens ba povu tomak ne’ebe tuir festa demokrasia durante fulan ida nia laran lao ho kalma.

Tuir orden ne’ebe sai husi komandu, kada estasaun vota iha membru nain ida mak sei halo seguransa.

Editora: Agida DOS SANTOS I COPYRIGHT@2017 

LEAVE A REPLY

Please enter your comment!
Please enter your name here