Home Uncategorized Xanana: Elpar CNRT Mananan Tiha Ona

Xanana: Elpar CNRT Mananan Tiha Ona

1092
0
SHARE
Prezidenti Partidu CNRT Kay Rala Xanana Gusmao hato hela komisio Politiku ba Militante sira: Photo/ media CNRT.

By:Hortencio SANCHES

THETIMOR-NEWS.com, DILI – Prezidente Partidu Congreço Nasional Reconstrução  Timor – Leste (CNRT) Kay Rala Xanana Gusmão hatete, agora (CNRT) manan tiha ona iha Elisaun Parlamentar (Elpar) maibe ema hotu mos manan.

Tanba ne’e, Fundador CNRT ne’e husu ba militante hotu atu hatudu maturidade ne’ebe diak nune’e bele halao dezenvolvimentu ba oin.

“Hau la husu atu manan, maibe CNRT manan tiha ona ne’e duni imi vota ba CNRT, vota ba paz no dezenvolvimentu ne’e duni imi hotu tenke hatudu maturidade diak,” dehan Xanana ba militante sira iha komisiu politiku ba dala ikus ne’ebe halao iha Tasi – Tolu Dili, Tersa (18/07/2017).

Nia hatutan, agora daudaun povu Timor sai ona husi problema ne’e duni hakarak ka lakoi tenke lao ba dezenvolvimentu.

Militante CNRT partisipa kampaina ba dala ikus iha Tasi-Tolu Dili, Photo: media/CNRT.

Tuir lideransa ne’e katak, CNRT deit mak iha vizaun atu halo prosesu dezenvolvimentu lao ba oin hodi hatama buat ne’ebe foun iha povu nia hanoin.

Nune’e Partidu CNRT  manan maioria iha Elpar forma Governu laos tur deit iha fatin, maibe tenke hakbesik an ba povu hodi kontinua dudu ekonomia iha Timor – Leste hodi halo mudansa ba povu nia moris.

“Manan iha Elpar laos forma deit governu hodi tur nonok deit lae, maibe tenke halo servisu,” dehan Xanana.

Eis Komandante da luta ne’e afirma, CNRT sei halo relasaun diak nafatin ho nasaun vijinu Indonezia no Australia atu rejolve Fronteiras terestre no maritima tuir soberania no povu  Timor – Leste  nia hakarak.

Prezidente partidu CNRT Kay Rala Xanana Gusmao koalia hela ho militante CNRT iha kampaina ba dala ikus iha Tasi-Tolu Dili, Photo: media /CNRT.

“Ita sei relasaun diak nafatin ho Indonezia no Australia atu koalia konaba Fronteira tur soberania Timor – Leste nian,” dehan nia.

Lider rejistensia ne’e konkorda tebes ho Povu Timor – Leste ne’ebe fo apoiu tomak ba nia hodi rejolve problema fronteira maritima Timor – Leste no Australia.Nia fiar katak Australia sei respeita Timor – Leste nia direitu.

Iha fatin hanesan Prezidente CDN Partidu CNRT Dioniso Babo deklara, CNRT manan FRETILI, PD, PLP  no povu hotu mos manan.

“Imi vota ba CNRT manan, FRETILIN mos manan, imi vota ba CNRT PD mos manan, imi vota ba CNRT PLP mos manan ita hotu mak manan,” dehan Dioniso Babo.

Tan ne’e nia husu ba povu tomak atu vota ba CNRT iha Elpar agora atu lori Timor – Leste ba dezenvolvimentu ne’ebe diak.

Editóra: Agida DOS SANTOS I COPYRIGHT@2017                       

LEAVE A REPLY

Please enter your comment!
Please enter your name here