Home nasional PLP Sei Halo Mudansa ba Povu Nia Moris

PLP Sei Halo Mudansa ba Povu Nia Moris

287
0
SHARE
Partidu Libertasaun Popular.

By:Fidelio RAMOS

THETIMORNEWS.com, DILI- Espoza  Prezidente Partidu Libertasaun Popular (PLP) Isabel  Fereira husu ba povu hotu atu vota no fo konfiansa  ba  Taur Matan Ruak  atu tur iha Primeiru Ministru  ( PM)  2017-2022  hodi halo mudansa ba povu nia moris.

Militante PLP Partisipa iha kampaina ne’ebe halao iha Tasi-Tolu Dili: Photo/Fidelio Ramos.

Isabel  afirma, kaer ukun,  riku no oportunidade tenke fahe   hanesan ba povu hotu.

“Hau hanesan Taur nia kaben   husu ba militante hotu no povu Timor – Leste   atu fo  konfiansa vota ba PLP  kaer ukun  hodi halo mudansa ba rai ne’e  tanba PLP  hakarak fahe oportunidade hanesan ba povu sira”dehan Issabel ba Militante  PLP iha Tasi-Tolu Dili,  Domingu (16/07/2017).

Nia hatutan bainhira povu fo konfiansa duni ba PLP kaer ukun nia rasik sei hamutuk ho  povu atu kontrola Governu, atu nune’e Governu bele halo servisu ho onestu.

“Bainhira povu fo fiar ona ba Taur Matan Ruak asumi duni knar PM mak nia la kumpri komprimisiu ne’ebe halo,  hau duni mak sei  halo protesta uluk,” dehan Isabel.

Nia dehan, Taur hamosu PLP   ho hanoin ida  atu lori povu   ba moris diak atu  valoriza   prinsipiu ne’ebe iha  ona,  atu konsolida fali fiar no tradisaun iha Timor – Leste.

Editor: Hortencio SANCHES I COPYRIGHT@2017

LEAVE A REPLY

Please enter your comment!
Please enter your name here